നേമം: സിപിഎമ്മിന്റെ എല്ലാ കുത്രന്ത്രങ്ങളെയും തൂത്തെറിഞ്ഞ് നേടിയ വിജയത്തില് പാപ്പനംകോട് ആഹ്ലാദ തിമിര്പ്പില്. വാദ്യമേളങ്ങളുടെ അകമ്പടിയോടെ വോട്ടമാര് ആശനാഥിനെ സ്വീകരിച്ചു. എണ്ണയിട്ട യന്ത്രം പോലെ പ്രവര്ത്തിച്ച സംഘപരിവാര് പ്രവര്ത്തകര് ആകാംഷയോടെ ഫലത്തിനായി കാത്തിരിക്കുകയായിരുന്നു. രാവിലെ 8.30തോടെ ഫലം പുറത്തു വന്നു. 71 വോട്ടിനു വിജയിച്ചെന്നായിരുന്നു ആദ്യം അറിഞ്ഞത്. ഔദ്യോഗിക അറിയിപ്പ് ലഭിച്ചപ്പോള് ഭൂരിപക്ഷം 35 ആണെന്ന് വ്യക്തമാക്കി. തുടര്ന്ന് പ്രവര്ത്തകരുടെ ഒഴുക്കായിരുന്നു വോട്ടെണ്ണല് കേന്ദ്രമായ സംഗീതകോളേജിലേക്ക്.
പ്രവര്ത്തകരുടെ ആഹ്ലാദ പ്രകടനത്തില് നിന്ന്
ഫലം വന്ന് മിനിട്ടുകള്ക്കകം ആശാനാഥും എത്തി. ആഹ്ലാദം അത്യുച്ചത്തിലായി. അല്പ നിമിഷത്തിനകം രാജഗോപാല് എംഎല്എയുംഎത്തി ആശാനാഥിനെ ഷാള് അണിയിച്ച് ആദരിച്ച് ലഡു നല്കി.
വിജയം ആഘോഷിക്കാന് ബിജെപിയിലെ മറ്റ് കൗണ്സിലര്മാരും എത്തിയിരുന്നു. വനിതാ അംഗങ്ങള് ചേര്ന്ന് ആശാനാഥിനെ തോളിലേറ്റി അഭിനന്ദിച്ചു. തുടര്ന്ന് തുറന്ന ജീപ്പില് വാര്ഡിലേക്ക്. ഒ.രാജഗോപാലും കുറച്ചദൂരം ആശാനാഥിനെ അനുഗമിച്ചു. കരമനയില് കൗണ്സിലര് കരമന അജിത്തിന്റെ നേതൃത്വത്തില് ഓട്ടോറിക്ഷാ തൊഴിലാളികളുടെ ആദ്യ സ്വീകരണം. അതിനുശേഷം കൈമനം ജംഗ്ഷനില് എത്തി. അവിടെ അലങ്കരിച്ച ചന്ദ്രന്റെ ചിത്രവും അതിനു മു
ന്നില് നിലവിളക്കും തയ്യാറാക്കിയിരുന്നു. നിറകണ്ണുകളോടെ നിലവിളിക്കില് ആശാനാഥ് ദീപം തെളിയിച്ചു. തുടര്ന്നായിരുന്നു വാര്ഡിലെ നന്ദിപ്രകടനം. നൂറുകണക്കിന് ഇരുചക്ര വാഹനങ്ങളുടെ അകമ്പടിയോടെ തുറന്ന ജീപ്പില് വാര്ഡിലുടനീളം പര്യടനം നടത്തി. ഉച്ചയ്ക്ക് ബിജെപി കൗണ്സിലര്മാര് നഗരസഭാ ആസ്ഥാനത്ത് സ്വീകരണം നല്കി. ഓഫീലെത്തിയ ആശാനാഥിനെ മേയര് വി.കെ.പ്രശാന്ത് സ്വീകരിച്ചു.
