പന്തീരാങ്കാവ്: കേന്ദ്ര ഗവണ്‍മെന്റിന്റെ ജനക്ഷേമ പദ്ധതികളെക്കുറിച്ച് പ്രതിപാദിക്കുന്ന ഫോട്ടോ പ്രദര്‍ശനവും ബോധവല്‍ക്കരണ പരിപാടികള്‍ക്കും തുടക്കം. മാത്തറ ഇഎംഎസ് ഹാളില്‍ നടന്ന ചടങ്ങില്‍ കോഴിക്കോട് ബ്ലോക്ക് പഞ്ചായത്ത് പ്രസിഡന്റ് എന്‍. മനോജ്കുമാര്‍ ഉദ്ഘാടനം ചെയ്തു. ഒളവണ്ണ ഗ്രാമ പഞ്ചായത്ത് പ്രസിഡന്റ് കെ. തങ്കമണി അദ്ധ്യക്ഷത വഹിച്ചു. ശുചിത്വ മിഷന്‍ അസി. കോ-ഓര്‍ഡിനേറ്റര്‍ കെ.പി. രാധാകൃഷ്ണന്‍ ക്ലാസ്സെടുത്തു. ഉദയകുമാര്‍, പഞ്ചായത്ത് വൈസ് പ്രസിഡന്റ് മനോജ് പാലാത്തൊടി, സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍മാരായ കെ. കെ. ജയപ്രകാശ്, ഇ. രമണി, ഫീല്‍ഡ് പബ്ലിസിറ്റി വിഭാഗം ഓഫീസര്‍ എം. സ്മിതി, ഫീല്‍ഡ് പബ്ലിസിറ്റി അസിസ്റ്റന്റ് സായിനാഥ്, എക്‌സിബിഷന്‍ ഓഫീസര്‍ എല്‍.സി. പൊന്നുമോന്‍ എന്നിവര്‍ സംസാരിച്ചു.
ഉച്ചക്ക് ശേഷം മാത്തറയില്‍ കുടുംബസംഗമം നടന്നു. ഇന്‍ഷൂറന്‍സ് പദ്ധതികളെക്കുറിച്ചുള്ള ക്ലാസും ക്വിസ് പ്രോഗ്രാമും നടന്നു.
ഇന്ന് തൊഴില്‍ സംരംഭകത്വം, മുദ്ര ബാങ്കിംഗ്, അടല്‍ പെന്‍ഷന്‍ യോജന, തുടങ്ങിയ വിഷയങ്ങളില്‍ ക്ലാസ് നടക്കും. നാളെ നൈപുണ്യ വികസനത്തെക്കുറിച്ച് യുവാക്കള്‍ക്കുള്ള തൊഴില്‍ സംരംഭങ്ങളെക്കുറിച്ചും വിദഗ്‌ദ്ധര്‍ ക്ലാസ്സെടുക്കും.
മാത്തറ ഇഎംഎസ് ഹാളില്‍ കേന്ദ്ര സര്‍ക്കാരിന്റെ വിവിധ ജനക്ഷേമ പദ്ധതികളെക്കുറിച്ചുള്ള വിജ്ഞാനപ്രദമായ പ്രദര്‍ശനം ഒരുക്കിയിട്ടുണ്ട്. പ്രദര്‍ശനവും ബോധവല്‍ക്കരണവും നാളെ സമാപിക്കും.
