മുംബൈ: ചാവേറാക്രമണത്തെ ന്യായീകരിച്ച് വിവാദ മതപ്രഭാഷകന് സക്കീര് നായിക്ക്. സൗദി അറേബ്യയില് നിന്ന് സ്കൈപ് വഴി മാധ്യമ പ്രവര്ത്തകരോട് സംസാരിക്കുമ്പോഴായിരുന്നു സക്കീറിന്റെ ചാവേറാക്രമണങ്ങളോടുള്ള മൃദു സമീപനം.
ഫ്രാന്സിലെ നൈസില് നടന്ന ഭീകരാക്രമണത്തെ അപലപിച്ചായിരുന്നു സക്കീര് സംഭാഷണം ആരംഭിച്ചത്. ഇസ്ലാമിന് നിഷിദ്ധമാണെങ്കിലും യുദ്ധ തന്ത്രമെന്ന നിലയില് ചാവേറാക്രമണത്തെ ന്യായീകരിക്കുന്നെന്നാണ് സക്കീര് വ്യക്തമാക്കിയത്. നിരപരാധികളെ കൊന്നൊടുക്കുന്നത് നൂറു ശതമാനവും തെറ്റാണ്. എന്നാല് ചാവേര് ആക്രമണമാകാം. ലോക യുദ്ധങ്ങളില് ഇത് സംഭവിച്ചിട്ടുണ്ടെന്നും സക്കീറിന്റെ വെളിപ്പെടുത്തല്.
ലോകത്തെവിടേയും നടക്കുന്ന ഭീകരാക്രമണത്തെ അപലപിക്കുന്നെന്ന് പറഞ്ഞ സക്കീര് പറഞ്ഞു. തന്റെ പ്രഭാഷണങ്ങള് സമാധാനത്തിന് ആഹ്വാനം ചെയ്യുന്നവയാണെന്നും തനിക്കെതിരെ നിലവില് ഒരന്വേഷണവും നടക്കുന്നില്ലെന്നും സക്കീര് പറഞ്ഞു.
തനിക്കെതിരെ നടക്കുന്നത് മാധ്യമ വിചാരണയാണെന്നും ഏതന്വേഷണവും നേരിടാന് തയാറാണെന്നും സാക്കീര് നായിക് കൂട്ടിച്ചേര്ത്തു.
