അവാര്ഡ് ജേതാകക്കള് കെസിഎ പ്രസിഡന്റ് ടി.സി. മാത്യുവിനും ഒൡമ്പ്യന് മേഴ്സിക്കുട്ടനുമൊപ്പം
കൊച്ചി: കേരള ക്രിക്കറ്റ് അസോസിയേഷന്റെ 2015-2016 സീസണിലെ വാർഷിക പെർഫോമൻസ് അവാർഡുകൾ സമ്മാനിച്ചു. സീസണിലെ മികച്ച ക്രിക്കറ്റർക്കും ഔട്ട് സ്റ്റാൻഡിങ് പെർഫോമൻസിനുമുള്ള പുരസ്ക്കാരങ്ങൾ രോഹൻ പ്രേം ഏറ്റുവാങ്ങി. ഫാബിദ് ഫാറൂഖ് (ഓൾറൗണ്ടർ), സച്ചിൻ ബേബി (ബാറ്റ്സ്മാൻ), സന്ദീപ് വാര്യർ (ഫാസ്റ്റ് ബൗളർ), കെ. മോനിഷ് (സ്പിന്നർ), റോഹൻ എസ്. കുന്നുമ്മൽ (പ്രോമിസിങ് യങ്ങസ്റ്റർ), മുഹമ്മദ് അസഹറുദീൻ (വിക്കറ്റ് കീപ്പർ), ശ്രീകുമാരൻ നായർ (പരിശീലകൻ) എന്നിവരും പുര്സകാരങ്ങൾ സ്വീകരിച്ചു.
ആജീവനാന്ത മികവിനുള്ള ജി.വി. രാജ പുരസ്ക്കാരം ഡോ. മദൻമോഹനു സമ്മാനിച്ചപ്പോൾ മരണാനന്തര ബഹുമതിയായി എൻ.എസ്. കൃഷ്ണന്റെ ഭാര്യ ശ്യാമള കൃഷ്ണൻ അവാർഡ് ഏറ്റുവാങ്ങി. ഇന്ത്യൻ ടീമിൽ ഇടം നേടിയ സഞ്ജു സാംസണ് പ്രത്യേക പുരസ്ക്കാരവും ഐപിഎൽ ഓൺ ഫീൽഡ് അമ്പയറായി അരങ്ങേറ്റം കുറിച്ച കെ.എൻ. അനന്തപദ്മനാഭന് പ്രത്യേക ബഹുമതിയും നൽകി. മുൻകാല സംസ്ഥാന താരങ്ങളായ യു. സുബ്രഹ്മണ്യൻ, രവീന്ദ്രൻ, ആർ.വി. തമ്പുരാൻ, എം. റായീസ്, എൽ. രാജൻ തുടങ്ങിയവർക്കുള്ള ഗ്രാറ്റിസ് ചടങ്ങിൽ വിതരണം ചെയ്തു.
മറ്റ് അവാർഡ് ജേതാക്കൾ: എ. അക്ഷയ (വുമൺ ക്രിക്കറ്റർ), റോഷ്നി സെബാസ്റ്റ്യൻ (ജൂനിയർ വുമൺ ക്രിക്കറ്റർ), ഗണശ്യാം പ്രഭു (അമ്പയർ), ഡാരിൽ (മികച്ച പ്രകടനം), ഹംസക്കുഞ്ഞ് (ക്യുറേറ്റർ), എം. നിഖിൽ, വി. ഹരിപ്രസാദ്, മുഹമ്മദ് ഹാനി (അണ്ടർ 14), അമൽ സി.എ, ജെ. അനന്തകൃഷ്ണൻ, ടി. നിഖിൽ (അണ്ടർ 16), സൽമാൻ നിസാർ, ആൽബിൻ ഏലിയാസ്, ഫാനൂസ്, ബേസിൽ. എൻ.പി (അണ്ടർ 19), ആനന്ദ് ജോസഫ്, അക്ഷയ് ചന്ദ്രൻ (അണ്ടർ 23), എം.കെ. അക്ഷയ (അണ്ടർ 25).
അക്കാദമി അവാർഡ്: ബിജു മോൻ (പരിശീലകൻ), വിഷ്ണു എൻ. ബാബു (മികച്ച താരം, ആൺ), കാവ്യ (മികച്ച താരം പെൺ).
ടീം പെർഫോമൻസ്: സീനിയർ മെൻ ടി20 ടീം, സീനിയർ വുമൺ ടീം, അണ്ടർ 19 വുമൺ ടീം.
കൊച്ചി മരട് ലേ മെറിഡിയൻ കൺവെൻഷൻ സെന്ററിൽ നടന്ന ചടങ്ങിൽ പ്രൊഫ. കെ.വി. തോമസ് എംപി, ഹൈബി ഈഡൻ എംഎൽഎ, ഒളിമ്പ്യൻ മേഴ്സിക്കുട്ടൻ, ബിസിസിഐ വൈസ് പ്രസിഡന്റും കെസിഎ പ്രസിഡന്റുമായ ടി.സി. മാത്യു, സെക്രട്ടറി ടി.എൻ. അനന്തനാരായണൻ, ട്രഷറർ ജയേഷ് ജോർജ്ജ് എന്നിവർ പങ്കെടുത്തു.
