വടകര: ദേവസ്വം ജീവനക്കാരുടെ നിയമനം പിഎസ്സിക്ക് വിടാനുള്ള സര്ക്കാര് തീരുമാനത്തില് ഹിന്ദു ജനവിഭാഗത്തിന്റെ ആശങ്ക ദൂരീകരിക്കണമെന്ന് ഹിന്ദു ഐക്യ വേദിയുടെ ആഭിമുഖ്യത്തില് വടകരയില് ചേര്ന്ന നേതൃസമ്മേളനം സര്ക്കാരിനോട് ആവശ്യപ്പെട്ടു. ശബരിമലയില് സ്ത്രീകളെ പ്രവേശിപ്പിക്കുന്നത് ഹൈന്ദവ സംഘടന നേതാക്കളെയും, ആചാര്യന്മാരെയും ഉള്പ്പെടുത്തി ആലോചിക്കണമെന്നും പട്ടിക ജാതി പട്ടിക വര്ഗ സ്കോളര്ഷിപ്, ലംപ്സംഗ്രാന്റ് കാലോചിതമായ രീതിയില് പരിഷ്ക്കരിക്കണമെന്നും സമ്മേളനം ആവശ്യപ്പെട്ടു. കേന്ദ്ര സര്ക്കാറിന്റെ ഭവനപദ്ധതി പൂര്ണ്ണമായി നടപ്പിലാക്കണമെന്നും യോഗം ആവശ്യപ്പെട്ടു. ഹിന്ദു ഐക്യവേദി സംസ്ഥാന സമിതി അംഗം കെ പ്രഭാകരന് ഉദ്ഘാടനം ചെയ്തു. താലൂക്ക് പ്രസിഡന്റ് വേണുമാസ്റ്റര് അദ്ധ്യക്ഷത വഹിച്ചു. തട്ടാന് സര്വിസ് സൊസൈറ്റി സംസ്ഥാന ജന.സെക്രട്ടറി അശോകന്, ധീവര സഭസമിതി അംഗം വിവേകാനന്ദന്, സദാനന്ദന് ആയടത്തില് എന്നിവര് സംസാരിച്ചു. പി വിജയബാബു സ്വാഗതവും പി.കെ. സുരേഷ് നന്ദിയും പറഞ്ഞു.
ദേവസ്വം ബോര്ഡ് നിയമനം പിഎസ്സിക്ക്: ഹിന്ദു സമൂഹത്തിന്റെ ആശങ്ക അകറ്റണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.