തിരുവനന്തപുരം: ദേവസ്വം ബോര്ഡിന്റെ പകല്ക്കൊള്ള അവസാനിപ്പിക്കണമെന്ന് ഹിന്ദുഐക്യവേദി ജില്ലാ സെക്രട്ടറി കിളിമാനൂര് സുരേഷ് ആവശ്യപ്പെട്ടു. നാവായിക്കുളം ശ്രീശങ്കരനാരായണ സ്വാമി ക്ഷേത്രത്തിന് മുന്നില് ഹിന്ദു ഐക്യവേദിയുടെ ആഭിമുഖ്യത്തില് പ്രതിഷേധ ധര്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ദേവസ്വംബോര്ഡ് ക്ഷേത്രങ്ങളില് വഴിപാട് നിരക്ക് ഉയര്ത്തിയതിനെതിരെയും മാനദണ്ഡങ്ങള് പാലിക്കാതെ പിഎസ്സിക്കും വിടാവാനുള്ള നടപടിക്കും എതിരെയാണ് പ്രതിഷേധ ധര്ണ സംഘടിപ്പിച്ചത്. ഒരു കാലഘട്ടത്തില് നവോത്ഥാനത്തിന് തുടക്കം കുറിച്ചത് ക്ഷേത്രങ്ങളിലാണ്. എന്നാല് ഇന്ന് ക്ഷേത്രങ്ങള് വിശ്വാസികളെ ഒഴിവാക്കി രാഷ്ട്രീയവത്ക്കരിക്കുകയാണ്. ഹൈന്ദവ ആചാരങ്ങള് തകര്ക്കുവാനുള്ള ശ്രമങ്ങളുടെ തുടക്കമായി വേണം ഇത്തരം തീരുമാനങ്ങളെ കാണാന്. ക്ഷേത്രഭരണം രാഷ്ട്രീയമുക്തമാക്കുവാന് നടപടി സ്വീകരിക്കണം. മുഴുവന് ദേവസ്വം ബോര്ഡ് ക്ഷേത്രങ്ങളിലും എത്രയും വേഗം ഓഡിറ്റ് നടത്തണം. ഹൈന്ദവ ആചാരങ്ങള്ക്ക് എതിരെയുള്ള പകല്ക്കൊള്ള അവസാനിപ്പിച്ചില്ലെങ്കില് ശക്തമായ സമരവുമായി മുന്നോട്ടുപോകും എന്ന് സെക്രട്ടറി കിളിമാനൂര് സുരേഷ് പറഞ്ഞു. ഇലങ്കം ക്ഷേത്ര ട്രസ്റ്റ് സെക്രട്ടറി ജയപ്രകാശ് അദ്ധ്യക്ഷത വഹിച്ചു. പ്രദീപ്, പ്രേംപ്രകാശ്, ചാവര്കോട് ഹരിലാല്, ഇലങ്കം സജി, പൈവേലിക്കോണം ബിജു, നാവായിക്കുളം അശോകന് തുടങ്ങിയവര് സംബന്ധിക്കും.
നാവായിക്കുളം ശ്രീ ശങ്കരനാരായണസ്വാമി ക്ഷേത്രത്തിന്റെ കിഴക്കേനടയില് ഹിന്ദുഐക്യവേദി
നടത്തിയ ധര്ണ സംസ്ഥാന സെക്രട്ടറി കിളിമാനൂര് സുരേഷ് ഉദ്ഘാടനം ചെയ്യുന്നു
