മുക്കം: അന്താരാഷട്ര യോഗദിനാചരണത്തിന്റെ ഭാഗമായി മലയോര മേഖലയിലും വിവിധ പരിപാടികള് നടന്നു. യോഗപ്രദര്ശനം യോഗ സെമിനാര്, യോഗ ഭക്ഷണ വിതരണം ,ബോധവല്ക്കരണ ക്ലാസുകള് തുടങ്ങിയവയാണ് നടന്നത്. തിരക്കേറിയ ജീവിത ശൈലി കൊണ്ടുണ്ടാവുന്ന മന: സംഘര്ഷം ,വ്യഥ, മറവി എന്നിവക്കുള്ള ഔഷധം കൂടിയാണ് യോഗയെന്ന തിരിച്ചറിവും ദിനാചരണത്തിന്റെ പ്രത്യേകതയാണ്.
മുത്താലം വിവേകാനന്ദ വിദ്യാനികേതന്റെ നേതൃത്വത്തില് മുക്കം ഇ എം എസ് ഓഡിറ്റോറിയത്തില് നടന്ന പരിപാടി ജോര്ജ് എം തോമസ് എം.എല്.എ ഉദ്ഘാടനം ചെയ്തു. എ.ഇ.ഒ ലൂക്കോസ് അധ്യക്ഷനായി. കെ.കൃഷ്ണന് നമ്പൂതിരി , ശങ്കരന് മാസ്റ്റര്, അബ്ദുല് അസീസ്, മുക്കം വിജയന് ,തച്ചോലത്ത് ഗോപാലന്, വി.സി സദാനന്ദന് മാസ്റ്റര്, കോരു തിരുവമ്പാടി, പി.കെ ജാനകി കെ.കെ നാരായണന് മാസ്റ്റര് സംസാരിച്ചു. യോഗ പരിശീലനത്തിന് ടി.കെ ഉമേഷ് നേതൃത്വം നല്കി.
അന്താരാഷ്ട്ര യോഗ ദിനാഘോഷത്തോടനുബന്ധിച്ച് കാരശ്ശേരി ആയുര്വേദ ഡിസ്പന്സറിയുടെ ആഭിമുഖ്യത്തില് കുമാരനല്ലൂര് കാരമൂല ആസാദ് മെമ്മോറിയല് യു.പി സ്കൂളില് വെച്ച് പഞ്ചായത്ത് തല യോഗദിനാഘോഷ പരിപാടി നടന്നു.യോഗാ ക്ലാസിന് വിവിധ സ്കൂളുകളില് നിന്നുമുള്ള വിദ്യാര്ഥികള് പങ്കെടുത്തു. ഗ്രാമ പഞ്ചായത്ത് മെമ്പര് വി.എന് ജംനാസ് ഉദ്ഘാടനം ചെയ്തു.ബോബി മാസ്റ്റര് കൂടരഞ്ഞി അധ്യക്ഷത വഹിച്ചു..കാരശ്ശേരി ആയുര്വേദ ഡിസ്പന്സറി മെഡിക്കല് ഓഫീസര് ഡോ.ഗീത, ഡോ.ഫാത്തിമ്മ ജ ബിന് നവാസ് ഓമശ്ശേരി. എം.പി ഷൈന ടീച്ചര് സംസാരിച്ചു.
മുക്കം: അന്താരാഷ്ട്ര യോഗദിനത്തോടനുബന്ധിച്ച് വെണ്ണക്കോട് ഗവ: ആയുര്വ്വേദ ഡിസ്പന്സറിയുടെ ആഭിമുഖ്യത്തില് യോഗാ ദിനാചരണവും യോഗപ്രദര്ശനവും നടത്തി. മെഡിക്കല് ഓഫീസര് ഡോ: കെ.സത്യവതി ഉദ്ഘാടനം ചെയ്തു. മുക്കം മുന്സിപ്പല് കൗണ്സിലര് പ്രഷി സന്തോഷ് അധ്യക്ഷത വഹിച്ചു.ഇന്ത്യന് റെഡ് ക്രോസ് സൊസൈറ്റി മുക്കം യൂണിറ്റ് സെക്രട്ടറി ശശി വെണ്ണക്കോട് സംസാരിച്ചു
