റിയോ ഡി ജനീറോ: ബ്രസീല് ഫുട്ബോള് ടീമിനെ പരിശീലിപ്പിക്കാനുള്ള പുതിയ നിയോഗം ടിറ്റെയ്ക്ക്. കോപ്പ അമേരിക്കയിലെ നിറംകെട്ട പ്രകടനത്തെ തുടര്ന്ന് പുറത്താക്കിയ കോച്ച് ദുംഗയ്ക്ക് പകരക്കാരനായാണ് കൊറിന്ത്യന്സിന്റെ പരിശീലകനായ ടിറ്റെയെ നിയമിച്ചത്.
സ്വന്തം മണ്ണില് വിരുന്നെത്തുന്ന ഒളിമ്പിക്സും 2018 റഷ്യന് ലോകകപ്പും ലക്ഷ്യമിട്ടാണ് ടിറ്റെയുടെ നിയമനം. മുഖ്യപരിശീലകനായി ടിറ്റെയെ നിയമിച്ചെങ്കിലും റിയോ ഒളിമ്പിക്സിനുള്ള ബ്രസീല് ടീമിനെ അണിയിച്ചൊരുക്കേണ്ട ചുമതല അണ്ടര് 20 ടീം പരിശീലകന് മൈക്കിളിനാണ്.
കോപ്പ അമേരിക്ക ശതാബ്ദി ചാമ്പ്യന്ഷിപ്പില് ഗ്രൂപ്പ് ഘട്ടത്തില് പുറത്തായതാണ് കോച്ച് ദുംഗയെ പുറത്താക്കാന് കാരണം. പെറുവിനോട് വിവാദ ഗോളില് തോറ്റാണ് ബ്രസീല് പുറത്തായത്. 1987ന് ശേഷം ആദ്യമായാണ് ബ്രസീല് പ്രാഥമിക റൗണ്ടില് പുറത്തായത്.
2014ല് സ്വന്തം നാട്ടില് നടന്ന ലോകകപ്പിലെ മോശം പ്രകടനത്തെ തുടര്ന്ന് പുറത്താക്കപ്പെട്ട സ്കൊളാരിക്ക് പകരക്കാരനായിട്ടാണ് ദുംഗയെ വീണ്ടും ദേശീയ ടീമിന്റെ പരിശീലകനായി തിരിച്ചു വിളിച്ചത്. മുമ്പ് 2006 മുതല് 2010 വരെ ബ്രസീലിന്റെ പരിശീലകനായി ദുംഗ പ്രവര്ത്തിച്ചിട്ടുണ്ട്. രണ്ടാം വരവില് 26 കളിയില് ടീമിനെ പരിശീലിപ്പിച്ച ദുംഗ 18 കളിയില് ജയത്തിലേക്ക് നയിച്ചു. അഞ്ച് മത്സരം സമനിലയിലായപ്പോള് മൂന്നെണ്ണത്തില് മാത്രമാണ് ടീം തോറ്റത്.
