പാനൂര്: ഒരേ നമ്പറില് രണ്ട് ഇരുചക്രവാഹനം. യഥാര്ത്ഥ ഉടമ വലയുന്നു. കെഎല് 58 ക്യു 3950 എന്ന നമ്പറിലാണ് രണ്ട് ഇരുചക്രവാഹനം റോഡിലോടുന്നത്. ആര്ടിഒയിലെ രേഖയില് വണ്ടിയുടെ ഉടമസ്ഥന് ഉമ്മര് ചട്ടേന്റവിടെയുടെ മകന് റഷീദ് വട്ടക്കണ്ടിയില്, അരയാലയില്, അണിയാരം എന്ന മേല്വിലാസത്തിലുള്ള ഹോണ്ടയുടെ ഡ്രീം യുഗ ബൈക്കാണ്. എന്നാല് ഇതെ നമ്പറില് ചുവന്ന കളറിലുള്ള സ്കൂട്ടര് വ്യാജനായി ഓടുകയാണ്.
ഹെല്മറ്റില്ലാതെ തലശ്ശേരി ടൗണില് നിന്നും വണ്ടിയോടി ക്കുന്ന ദൃശ്യം സിസി ടിവിയില് പതിഞ്ഞതിന്റെ അടിസ്ഥാന ത്തില് ട്രാഫിക്കില് നിന്നും പിഴ അടയ്ക്കണമെന്നു കാണിച്ചു വന്ന പോസ്റ്റ് കാര്ഡാണ് വ്യാജനെ കണ്ടു പിടിക്കാനുള്ള അവസരമൊരുക്കിയത്. മെയ് 31 ന് ഹെല്മറ്റില്ലാതെ തലശ്ശേരി ടൗണില് നിന്നും വണ്ടിയോടിച്ചു എന്നായിരുന്നു കാര്ഡിലെ ചുരുക്കം. എന്നാല് ആര്സി ഉടമ റഷീദ് ആ ദിവസം തലശ്ശേരിയില് ബൈക്കെടുത്തു പോയിട്ടില്ലായിരുന്നു. ഈ സംഭവത്തിന്റെ നിജസ്ഥിതിയറിയാന് തലശ്ശേരി ഡിവൈ എസ്പി ഓഫീസിലെ സിസി ക്യാമറ ദൃശ്യം പരിശോധിച്ച പ്പോഴാണ് വ്യാജ സ്കൂട്ടര് കണ്ടെത്താന് സാധിച്ചത്. വ്യാജനെ നേരിട്ടു പിടിക്കാനുള്ള ശ്രമത്തിലാണ് ട്രാഫിക്ക് പോലീസ്.
