ആലപ്പുഴ: തലവടി – കൊറ്റംകുളങ്ങര റോഡില് മിയാത്തുകവലയില് മുനിസിപ്പാലിറ്റിയുടെ മുന്കൂട്ടിയുള്ള അനുമതി വാങ്ങാതെ പാതയോരത്തെ വളവിലായി മതില് കെട്ടി തിരിച്ച് കുരിശു സ്ഥാപിക്കാനുള്ള നീക്കം ആക്ഷേപത്തിനു കാരണമാകുന്നു.
കെഎസ്ആര്ടിസി അടക്കമുള്ള ബസ്സുകള് നിരന്തരം ഓടിക്കൊണ്ടിരിക്കുന്ന തിരക്കേറിയ വീതി കുറഞ്ഞ വളവും തിരിവുമുള്ള ഈ റോഡിന്റെ വീതികൂട്ടലിനും ഭാവി വികസനത്തിനും ഈ നിര്മ്മാണം തടസ്സമായി മാറും.
മാസങ്ങള്ക്കു മുമ്പ് കൊറ്റംകുളങ്ങര ഭാഗത്ത് തോട്ടാത്തോടുപാലത്തിനു കിഴക്കുവശം റോഡുവശത്ത് കോടതി നിര്ദ്ദേശത്തെ അവഗണിച്ച് ഏക്കറുകണക്കിന് ചതുപ്പുനിലം മണ്ണിട്ടു നികത്തി അനധികൃതമായി മതില് കെട്ടിയടച്ചതും വിവാദമായിരുന്നു. ആലപ്പുഴ നഗരസഭാ അദ്ധ്യക്ഷന്റെ മുന്കാല പ്രവര്ത്തന മേഖലകൂടിയായ ഇവിടെയും അദ്ദേഹത്തിന്റെ ഒത്താശകളും മൗനാനുവാദവും ഉണ്ടെന്നാണ് ജനസംസാരം.
ഇത്തരക്കാരുടെ കുത്സിത ശ്രമങ്ങള് ഉടനടി നിര്ത്തി വയ്ക്കണമെന്നും അല്ലാത്തപക്ഷം പ്രത്യക്ഷ സമര പരിപാടികളുമായി രംഗത്തുവരുമെന്നും വിശ്വഹിന്ദു പരിഷത്ത് ആലപ്പുഴ പ്രഖണ്ഡ് കമ്മറ്റി അറിയിച്ചു.
വിശ്വഹിന്ദു പരിഷത്ത് ജില്ലാ പ്രസിഡന്റ് ആര്. രുദ്രന്, സെക്രട്ടറി വി.ആര്. എം. ബാബു, പ്രഖണ്ഡ് സെക്രട്ടറി ദിനേശന് തുടങ്ങിയവര് സംസാരിച്ചു.
