പശുതൊഴുത്തിന്റെ മേല്ക്കൂരമാറ്റിയ ഭാഗത്ത് ചിതയൊരുക്കുന്നു
ചേര്ത്തല: വീടും പരിസരവും വെള്ളത്തിലായി, ശവസംസ്കാരം നടത്തിയത് പശുത്തൊഴുത്തില്. തിനെ തുടര്ന്ന്. പട്ടണക്കാട് 15 ാം വാര്ഡ് വെട്ടക്കല് കരീത്തറ നികര്ത്ത് പരമേശ്വരന്റെ(85) ശവസംസ്കാരമാണ് പശുതൊഴുത്തില് നടന്നത്. വ്യാഴാഴ്ച പുലര്ച്ചെയാണ് പരമേശ്വരന് മരിച്ചത്. രണ്ടു ദിവസമായി പെയ്യുന്ന കനത്ത മഴയില് വീടും പരിസരവും വെള്ളത്തിലായതിനെ തുടര്ന്ന്് പശുതൊഴുത്തിന്റെ മേല്ക്കൂരമാറ്റി അടിത്തറയില് മൃതദേഹം സംസ്കരിക്കരുകയായിരുന്നു. സമീപത്തെ പാടശേഖരത്തില് നിന്നാണ് വെള്ളം കയറുന്നതെന്നാണ് പ്രദേശവാസികളുടെ പരാതി. പാടശേഖരത്തില് വെള്ളം പമ്പുചെയ്യുന്ന മോട്ടോര് പ്രവര്ത്തിക്കാത്തതാണ് പ്രദേശത്തെ വെള്ളക്കെട്ടിന് കാരണമെന്നും അവര് ആരോപിച്ചു. വീട്ടുമുറ്റത്ത് മുട്ടൊപ്പം വെള്ളത്തില് ഡസ്കിട്ടാണ് മൃതദേഹത്തില് അന്ത്യക്രിയകള് നടന്നത്. തുടര്ന്നാണ് തൊഴുത്തിന്റെ അടിത്തറയില് ദഹനപെട്ടി സ്ഥാപിച്ച് ചിതയൊരുക്കിയത്. ഇതിനായി പശുതൊഴുത്തിന്റെ മേല്ക്കൂര പൂര്ണ്ണമായും മാറ്റി.
