തൊടുപുഴ: സൗമ്യന്, ശാന്തന്, ജോലിയോട് വിട്ടുവീഴ്ച്ചയില്ലാത്ത നിലപാട് ഇതായിരുന്നു മുപ്പത്തിമൂന്നര വര്ഷത്തെ സേവനത്തിന് ശേഷം ഇന്നലെ ഔദ്യോഗിക ജീവിതത്തില് നിന്നും വിരമിച്ച വാട്ടര് അതോറിറ്റി എക്സിക്യൂട്ടീവ് എഞ്ചിനീയര് പി വി നന്ദകുമാര്. രണ്ട് വര്ഷമായി ജില്ലയില് ജോലി നോക്കി വരികയായിരുന്ന നന്ദകുമാര് തൃശ്ശൂര് ആമ്പല്ലൂര് സ്വദേശിയാണ്. ജോലിക്കിടയില് അര്ഹമായ അവധികള് പോലും എടുക്കാതെ തന്റെ സേവനം നാടിനും നാട്ടുകാര്ക്കുമായി മാറ്റിവെയ്ക്കുകയായിരുന്നു മുതിര്ന്ന ഉദ്യോഗസ്ഥര്ക്ക് പോലും പ്രിയപ്പെട്ട നന്ദകുമാര്. രണ്ട് വര്ഷം മുമ്പ് പി ജെ ജോസഫ് ആലുവയില് നിന്നും പ്രത്യേക താല്പര്യ പ്രകാരം നന്ദകുമാറിനെ ജില്ലയിലേക്ക് സേവനത്തിനായി എത്തിക്കുകയായിരുന്നു. 1982 ല് കോട്ടയത്താണ് ഔദ്യോഗിക ജീവിതം ആരംഭിച്ചത്. തുടര്ന്ന് നാട്ടിക, കൊടുങ്ങല്ലൂര്, തളിക്കുളം, മാള, ഒല്ലൂര്, വടക്കാഞ്ചേരി, തൃത്താല, തൃശ്ശൂര്, ഇടപ്പാള്, കുന്നംകുളം, ചാലക്കുടി, ആലുവ എന്നിവിടങ്ങളിലും സേവനമനുഷ്ടിച്ചിട്ടുണ്ട്. 2000ത്തില് എറണാകുളം ജലധാര സോഷ്യല് കള്ച്ചറല് സൊസൈറ്റിയുടെ ജലശ്രീ അവാര്ഡ് ലഭിച്ചു. മൂന്ന് വര്ഷക്കാലം അസോസിയേഷന് ഓഫ് പബ്ലിക്ക് ഹെല്ത്ത് എഞ്ചിനീയേഴ്സിന്റെ ജനറല് സെക്രട്ടറിയായും സേവനം അനുഷ്ടിച്ചിട്ടുണ്ട്. നിലവില് എനര്ജി കണ്സര്വേഷന് സൊസൈറ്റിയുടെ റീജിയണല് സെക്രട്ടറിയായി പ്രവര്ത്തിച്ചുവരികയാണ്. അവസാന മാസത്തെ ശമ്പളം താന് പഠിച്ച് വളര്ന്ന 6 വിദ്യാഭ്യാസ സ്ഥാപനങ്ങള്ക്കായി വീതിച്ച് കൊടുക്കാനും ഈ ഉദ്യോഗസ്ഥന് തീരുമാനിച്ചിട്ടുണ്ട്. മികച്ച സേവനത്തിന് മുന് ജലവിഭവ വകുപ്പ് മന്ത്രി പി ജെ ജോസഫിന്റെ പ്രത്യേക അഭിനന്ദനവും കഴിഞ്ഞ മാര്ച്ചില് ഇദ്ദേഹത്തെ തേടിയെത്തി. ഭാര്യ യു ജി ലളിത തൃശ്ശൂരില് അസി.എക്സിക്യൂട്ടീവ് എഞ്ചിനീയറായി ജോലി നോക്കിവരികയാണ്. മക്കള്: ഡോ.നിരഞ്ജന ശ്രീദേവി (വെല്ലൂര് ക്രിസ്റ്റിയന് മെഡിക്കല് കോളേജ് എംഡി വിദ്യാര്ത്ഥിനി), അര്ജുന് പി നന്ദകുമാര് (എം ടെക്ക് വിദ്യാര്ത്ഥി). വിരമിക്കലിനോടനുബന്ധിച്ച് തൊടുപുഴയിലെ ഓഫീസില് വിപുലമായ പരിപാടികളാണ് ഒരുക്കിയിരുന്നത്. വൈകിട്ട് മുന് മന്ത്രി പിജെ ജോസഫ് പങ്കെടുത്ത റിട്ടയര്മെന്റ് ചടങ്ങും തൊടുപുഴ ഉല്ലാസ് ടവറില് വച്ച് നടന്നു.
ഒപ്പം നിന്നവര്ക്കെല്ലാം നന്ദി പറഞ്ഞ് പി വി നന്ദകുമാര് പടിയിറങ്ങി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.