കുന്നത്തൂര്: തങ്ങളുടെ താല്പര്യത്തിനു എതിരായി പ്രവര്ത്തിക്കുന്ന ശൂരനാട് പോലീസ് എസ്ഐക്കെതിരെ പ്രതികാര നടപടിക്കു സിപിഎം നീക്കം തുടങ്ങി. അതിന്റെ ഥലഗമായി പാര്ട്ടി പത്രത്തില് കഴിഞ്ഞ ഒരാഴ്ചയായി എസ്ഐക്കെതിരായ വാര്ത്തകളാണ് നല്കി വരുന്നത്. ഇത് കൂടാതെ സാമൂഹ മാധ്യമങ്ങളിലുടെയും സിപിഎം ആക്രമണം നടത്തുകയാണ്. ബിജെപി ബന്ധം ആരോപിച്ചാണ് ഓഫീസര്ക്ക് എതിരെ സിപിഎം പ്രചരണം നടത്തുന്നത്.
പതാരത്തെ എസ്ഡിപിഐ ആക്രമണം ഉള്പ്പെടെയുള്ള കേസുകളില് സിപിഎം ആവശ്യങ്ങള് തള്ളി സത്യസന്ധമയാണ് പ്രതികളെ പോലീസ് അറസ്റ്റ് ചെയ്തത്. റഷീദിനെ മോചിപ്പിക്കാന് സിപിഎം നേതാക്കള് ശ്രമം നടത്തിയെങ്കിലും എസ്ഐ വഴങ്ങിയിരുന്നില്ല. അന്ന് മുതല് സിപിഎമ്മുകാരുടെ കണ്ണിലെ കരടാണ് ഈ ഓഫീസര്. ബിജെപി പ്രവര്ത്തകരെ ആക്രമിച്ച കേസില് സിപിഎം നേതാവിന്റെ മകനെ അറസ്റ്റ് ചെയ്യുകയും ചെയ്തിരുന്നു.
തെരഞ്ഞെടുപ്പു ഫലദിവസം പുലികുളത്ത് സിപിഎം ഗുണ്ടകള് ബിജെപി പ്രവര്ത്തകരെ അക്ക്രമിക്കുകയും കൊടിമരങ്ങള് വ്യാപകമായി നശിപ്പിക്കുകയും ചെയ്തു. എന്നാല് ബിജെപി പ്രവര്ത്തകരെ കള്ളക്കേസില് കുടുക്കാന് വലിയ സമ്മര്ദ്ദമാണ് പോലീസിനുമേല് സിപിഎം ചെലുത്തിയത്. അതിനു പൂര്ണമായി വഴങ്ങാത്തതാണ് ഇപ്പോഴത്തെ ഭീഷണിക്ക് കാരണം. ഇടതു വനിതാ സംഘടനകളുടെ നേതൃത്വത്തില് പോലീസ് സ്റ്റേഷനിലേക്ക് മാര്ച്ച് നടത്തുകയും സ്ഥലം മാറ്റ ഭീഷണി മുഴക്കുകയും ചെയ്തിരിക്കുകയാണ്. ഈ ഓഫീസറെ സ്ഥലം മാറ്റി തങ്ങളുടെ ചൊല്പ്പടിക്ക് നില്ക്കുന്ന ആളെ നിയമിക്കാനാണ് സിപിഎം നീക്കം. അത് വഴി ആക്രമണം അഴിച്ചു വിടാനും.
