കൊട്ടിയൂര്‍: വൈശാഖ മഹോത്സവം നടക്കുന്ന കൊട്ടിയൂരില്‍ ക്ഷേത്രാചാരങ്ങള്‍ക്കും വിശ്വാസങ്ങള്‍ക്കും എതിരായ രീതിയിലുള്ള ഡിവിഡി പ്രദര്‍ശനവും വില്‍പ്പനയും നടത്തുന്നതായി പരാതി. കൊട്ടിയൂര്‍ ക്ഷേത്രത്തിലേക്ക് വിവിധ സാധനങ്ങള്‍ സമര്‍പ്പണമായി വിവിധ സമുദായക്കാരാണ് എത്തിക്കുന്നത്.
ക്ഷേത്രത്തിലേക്ക് ഇളനീര്‍ സമര്‍പ്പിക്കാനുള്ള അവകാശം തീയ്യ സമുദായാംഗങ്ങളായ അവകാശികള്‍ക്കാണ്. എന്നാല്‍ ഇവിടെ വില്‍പ്പന നടത്തുന്ന ചില ഡിവിഡികളില്‍ ഈഴവര്‍ക്കാണ് ഈ അവകാശം എന്നു പറയുന്നു. ഇത്തരത്തില്‍ തെറ്റായ രീതിയില്‍ പ്രചരണം നടത്തുന്ന ഡിവിഡികളുടെ പ്രദര്‍ശനവും വില്‍പ്പനയും തടയണമെന്ന് ആവശ്യപ്പെട്ടു ഭക്തര്‍ അധികൃതര്‍ക്ക് പരാതി നല്‍കിയിട്ടുണ്ട്.
