ആലപ്പുഴ: രമേശ് ചെന്നിത്തല നിയമസഭയിലെ പ്രതിപക്ഷനേതാവായി തിരഞ്ഞെടുക്കപ്പെട്ടതോടെ ജില്ലയ്ക്കു ലഭിച്ചതു നാലാം കാബിനറ്റ് പദവി. ജില്ലയെ സംബന്ധിച്ചു മുന്കാലങ്ങളില് ഈ രീതിയില് പ്രാതിനിധ്യം ലഭിച്ചിട്ടില്ല. കഴിഞ്ഞ സര്ക്കാരിന്റെ തുടക്കത്തില് മന്ത്രിസഭയില് ജില്ലയില് നിന്നു പ്രതിനിധികളുണ്ടായിരുന്നില്ല.
അവസാനകാലത്തു ഹരിപ്പാട് എംഎല്എ രമേശ് ചെന്നിത്തല ആഭ്യന്തരമന്ത്രിയായി ചുമതലയേറ്റതോടെയാണു മന്ത്രിസഭയില് ജില്ലയ്ക്കു പ്രാതിനിധ്യമുണ്ടായത്. ഇപ്പോഴത്തെ മന്ത്രിസഭയില് ജില്ലയില് നിന്ന് ഇതിനോടകം മൂന്നുപേര് മന്ത്രിമാരായി സത്യപ്രതിജ്ഞ ചെയ്തുകഴിഞ്ഞു. ആലപ്പുഴ എംഎല്എ തോമസ് ഐസക് ധനമന്ത്രിയായും ജി.സുധാകരന് മരാമത്ത്, രജിസ്ട്രേഷന്, പോസ്റ്റ് ആന്ഡ് ടെലിഗ്രാഫ്, റെയില്വേ എന്നി വകുപ്പുകളുടെയും മന്ത്രിമാരായി ചുമതലയേറ്റു.
സിപിഐയുടെ എംഎല്എ ചേര്ത്തലയില് നിന്നു ജയിച്ച പി.തിലോത്തമന് ഭക്ഷ്യം, സിവില് സപ്ലൈസ്, ഉപഭോക്തൃകാര്യം, ലീഗല് മെട്രോളജി എന്നീ വകുപ്പുകളും കൈകാര്യം ചെയ്യുന്നു. ജില്ലയിലെ ആകെയുള്ള ഒന്പതു എംഎല്എമാരില് എട്ടുപേരും ഭരണപക്ഷത്താണെന്നതും പ്രതിപക്ഷത്തെ ഏക പ്രതിനിധി പ്രതിപക്ഷനേതാവായി തിരഞ്ഞെടുക്കപ്പെടുകയും ചെയ്യുന്നു എന്ന പ്രത്യേകതയും ഇത്തവണയുണ്ട്.
