പാനൂര്: പളളൂരിലെ വിജിത്തും ഷിനോജും ബലിദാനിയായിട്ട് ഇന്നേക്ക് 7വര്ഷം. കാലമെത്ര കഴിഞ്ഞാലും ഇവരുടെ കരുത്തുറ്റ ഓര്മ്മകള് ചിതലരിക്കാതെ സംഘപ്രവര്ത്തകരുടെ മനസില് ഒളിമങ്ങാതെ കിടക്കുന്നു. ആര്എസ്എസിനു വേണ്ടി പ്രവര്ത്തിച്ചതിന്റെ പേരില് സിപിഎം നരാധമന്മാര് അരുംകൊല ചെയ്ത ഈ യുവതേജസുകള് നാടിന്റെ പോന്നോമനകളായിരുന്നു. ഒരു ആദര്ശത്തില് വിശ്വസിച്ചു പോയി എന്ന അപരാധത്തിന്റെ പേരില് സിപിഎം നേതൃത്വം ആസൂത്രിതമായി നടപ്പാക്കിയ കൊലപാതകത്തില് നടുക്കത്തില് നിന്നും നാടിന്നും മോചിതമായിട്ടില്ല. യാതൊരു രാഷ്ട്രീയ സംഘര്ഷവുമില്ലാത്ത പ്രദേശത്ത് ഭീതിപരത്തി തുരുമ്പിച്ച കമ്മ്യൂണിസ്റ്റ് പ്രത്യയശാസ്ത്രം പ്രചരിപ്പിക്കാമെന്ന മൗഢ്യധാരണയുടെ പിന്ബലത്തില് നടത്തിയ കൊലപാതകമായിരുന്നു ഇവരുടേത്. എന്നാല് കൊലപാതകത്തില് മുഖ്യപങ്കാളികളായവര് ഈ നാടിനു തന്നെ ശാപമായി കല്തുറങ്കില് അജീവനാന്തം കിടക്കുന്നു. ലോകം ശപിച്ച പാഴ്ജന്മങ്ങളായി ഇവിടെയാണ് ബലിദാനത്തിന്റെ ഉജ്ജ്വലമായ സ്മരണകളുമായി ജനഹൃദയങ്ങളില് വിജിത്തും ഷിനോജും ജീവിക്കുന്നത്. പളളൂര് മേഖലകളില് ശക്തമായ പ്രവര്ത്തനവുമായി സംഘപരിവാര് പ്രസ്ഥാനങ്ങള് സജീവമാകുമ്പോള് ഇന്നും അക്രമപാതയില് തന്നെ നീങ്ങുകയാണ് സിപിഎം. ഇവരുടെ ഭീഷണിക്കു മുന്നില് പതറാതെ പോരാടിയ ധീരബലിദാനികളുടെ ഓര്മ്മകളില് പ്രചോദനം ഉള്ക്കൊണ്ട്് നിരവധി പ്രവര്ത്തകര് കര്മ്മമണ്ഡലത്തില് സക്രിയമാണിവിടെ. ഇവരുടെ സ്മരണയ്ക്ക് മുന്നില് ഇന്ന് ആയിരങ്ങള് കാവിപൂക്കള് അര്പ്പിക്കും. ഇന്നു കാലത്ത് 8ന് പളളൂരിലെ സ്മൃതിമണ്ഢപത്തില് പുഷ്പാര്ച്ചനയും അനുസ്മരണ സാംഘിക്കും നടക്കും.
വിജിത്ത്-ഷിനോജ് ബലിദാനദിനം ഇന്ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.