ചേര്ത്തല: മണ്സൂണ് ആരംഭിച്ചതോടെ തീരകടലില് മല്സ്യബന്ധനം നടത്തുന്ന മല്സ്യ തൊഴിലാളികള് കടല് അപകടങ്ങളില് പെടാന് സാധ്യത കൂടിയതിനാല് ദുരന്തം ഒഴിവാക്കാന് പത്ത് കിലോമീറ്റര് പരിധി ഇടവിട്ട് കോസ്റ്റ് ഗാര്ഡിന്റെ സാന്നിധ്യം ഉറപ്പുവരുത്തണമെന്ന് കേരള സ്വതന്ത്ര മത്സ്യതൊഴിലാളി ഫെഡറേഷന് ആവശ്യപ്പെട്ടു. രക്ഷാപ്രവര്ത്തകരുടെ സാന്നിധ്യം തീരക്കടലില് ഉായിരുന്നെങ്കില് ഇന്നലെ പുന്നപ്രയില് ഒഴുക്കില്പ്പെട്ട് പൊന്തുവള്ളത്തിലെ മല്സ്യതൊഴിലാളി മരണമടയുകയില്ലായിരുന്നു. ജില്ലയുടെ തീരക്കടലില് രക്ഷാപ്രവര്ത്തനത്തിന് കോടികള് ചെലവഴിച്ച് വാങ്ങിയ ഇന്റര്സെപ്റ്റര് ബോട്ടുകള് ഉെങ്കിലും പ്രവര്ത്തന രഹിതമായി തൃക്കുന്നപുഴ കായലില് കെട്ടിയിട്ടിരിക്കുകയാണ്. ബോട്ടുകളില് കടല് പരിചയമുള്ള ഉദ്യോഗാര്ത്ഥികളെ നിയമിക്കണമെന്ന മത്സ്യതൊഴിലാളികളുടെ നിരന്തരമായ ആവശ്യം മറികടന്ന് രാഷ്ട്രീയ ഇടപ്പെടലിലൂടെ നിയമനം നടത്തിയതെന്ന് യോഗം കുറ്റപ്പെടുത്തി. സേന അംഗങ്ങളുടെ ഭയംമൂലം പെട്രോളിംഗ് നടത്താത്തതാണ് തീരക്കടലില് അപകടങ്ങള്ക്ക് കാരണമാകുന്നത്. പുന്നപ്രയില് അപകടം നടന്ന് മണിക്കൂറുകള് കഴിഞ്ഞാണ് തൃക്കുന്നപുഴയില്നിന്ന് രക്ഷാപ്രവര്ത്തകര് എത്തിയത്. രക്ഷാപ്രവര്ത്തില് വീഴ്ചവരുത്തിയവര്ക്കെതിരെ നടപടിയെടുക്കണമെന്ന് യോഗം ആവശ്യപ്പെട്ടു. ജാക്സണ് പൊള്ളയില് അദ്ധ്യക്ഷത വഹിച്ചു. ആശ്രയം രാജു, ആന്റണി ആറാട്ടുവഴി, സിബി ഡാനിയേല് എന്നിവര് സംസാരിച്ചു.
തീരമേഖലയില് കോസ്റ്റ് ഗാര്ഡിന്റെ സാന്നിധ്യം ഉറപ്പാക്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.