കണ്ണൂര്: പിണറായി പഞ്ചായത്തിലെ പുത്തന്കണ്ടത്തില് സിപിഎം പ്രവര്ത്തകന് മരണപ്പെട്ട സംഭവത്തില് സമഗ്രമായ അന്വേഷണം നടത്തണമെന്ന് ബിജെപി ജില്ലാ അധ്യക്ഷന് പി.സത്യപ്രകാശ് ആവശ്യപ്പെട്ടു. ബിജെപി സംസ്ഥാനത്ത് ആദ്യമായി നിയമസഭയിലേക്ക് തെരഞ്ഞെടുക്കപ്പെട്ടതില് ആഹ്ലാദം പ്രകടിപ്പിച്ച് പുത്തന്കണ്ടത്ത് നടത്തിയ പ്രകടനത്തിന് നേരെ സിപിഎമ്മുകാര് ഏകപക്ഷീയമായി അക്രമം നടത്തുകയും തുടര്ന്ന് ഓടിരക്ഷപ്പെടുന്നതിനിടെ ഇയാള് വാഹനത്തിനടിയില്പ്പെട്ട് മരണപ്പെടുകയുമായിരുന്നു. യഥാര്ത്ഥ വസ്തുത ഇതാണെന്നിരിക്കെ മരണത്തിന് പിന്നില് ബിജെപിയാണെന്ന സിപിഎമ്മിന്റെ നുണപ്രചാരണം തള്ളിക്കളയണമെന്നും സംഭവത്തില് വസ്തുനിഷ്ഠമായ അന്വേഷണം നടത്തണമെന്നും സത്യപ്രകാശ് ആവശ്യപ്പെട്ടു. ആഹ്ലാദ പ്രകടനത്തിന്റെ മറവില് ജില്ലയുടെ വിവിധ ഭാഗങ്ങളില് സിപിഎം ക്രിമിനല് സംഘങ്ങള് അഴിഞ്ഞാടുകയായിരുന്നു. കണ്ണൂര് നിയോജകമണ്ഡലത്തിലെ മുണ്ടേരി, അഴീക്കോട് നിയോജകമണ്ഡലത്തിലെ പന്നേന്പാറ, മണല്, അമ്പാടിമുക്ക്, നാറാത്ത്, മട്ടന്നൂര് നിയോജകമണ്ഡലത്തിലെ ഏളക്കുഴി, ധര്മ്മടം നിയോജകമണ്ഡലത്തിലെ പുത്തന്കണ്ടം, കോട്ടം, മേലൂര് എന്നിവിടങ്ങളിലാണ് സിപിഎമ്മിന്റെ നേതൃത്വത്തില് വ്യാപകമായ അക്രമം നടന്നത്. സിപിഎം അക്രമത്തില് പരിക്കേറ്റ നിരവധി ബിജെപി ആര്എസ്എസ് പ്രവര്ത്തകരെയാണ് വിവിധ ആശുപത്രികളില് പ്രവേശിപ്പിച്ചിരിക്കുന്നത്. അധികാരത്തിലേറിയതിന്റെ ഹുങ്കില് എന്തുമാകാമെന്ന സിപിഎം നേതൃത്വത്തിന്റെ ധാര്ഷ്ട്യം അംഗീകരിക്കാനാവില്ലെന്നും ജില്ലയില് സമാധാനപരമായ അന്തരീക്ഷം നിലനിര്ത്താന് ഭരണകൂടം ആവശ്യമായ നടപടികള് സ്വീകരിക്കണമെന്നും സത്യപ്രകാശ് ആവശ്യപ്പെട്ടു.
സിപിഎം പ്രവര്ത്തകന്റെ മരണം; സമഗ്രാന്വേഷണം വേണം: സത്യപ്രകാശ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.