തിരുവനന്തപുരം: കേരളത്തിലെ തൊഴില് കാംഷികളായ ലക്ഷക്കണക്കിന് യുവതി-യുവാക്കളുടെ ആശ്രയമായ പിഎസ്സിയെപ്പോലും രാഷ്ട്രീയക്കാരെ കുത്തിനിറച്ച് യുവജനങ്ങളെ വഞ്ചിക്കുന്ന ഇടതു-വലതു മുന്നണികള്ക്ക് വോട്ട് നല്കരുതെന്ന് പിഎസ്സി റാങ്ക് ഹോള്ഡേഴ്സ് സംയുക്തസമരസമിതി തീരുമാനിച്ചു. പിന്വാതില് നിയമനങ്ങള് നടത്തുവാന് ഇടതുവലതു മുന്നണികള് കൂട്ടുനില്ക്കുന്നു. ഇതിന് അവസാനത്തെ ഉദാഹരണമാണ് ക്യാപ്പിലെയും സിഡ്കോയിലെയും നിയമനങ്ങള്.
പിഎസ്സി റാങ്ക് ലിസ്റ്റുകളെ നോക്കുകുത്തികളാക്കുകയും എന്ജെഡി റിപ്പോര്ട്ട് ചെയ്യപ്പെടാതിരിക്കുകയും ചെയ്യുന്നു. താത്ക്കാലിക ജീവനക്കാരെ സ്ഥിരപ്പെടുത്താന് പാടില്ല എന്ന കോടതിവിധികള്പോലും പാലിക്കുവാന് സര്ക്കാര് തയ്യാറാകുന്നില്ല. ഏറ്റവും കൂടുതല് യുവജനങ്ങള് ഇടതും-വലതും പങ്കാളികളായ 13-ാം നിയമസഭയില് പോലും യുവാക്കളുടെ തൊഴില് ഉള്പ്പെടെയുള്ള പ്രശ്നങ്ങള്ക്ക് പരിഹാരമോ പദ്ധതികള്ക്കോ സഭയും യുവജന എംഎല്എമാരും തയ്യാറായില്ല. ഇത്തരം രാഷ്ട്രീയ പാര്ട്ടികളുടെ അടവ് നയങ്ങളില് പിഎസ്സി റാങ്ക് ഹോള്ഡേഴ്സ് സംയുക്ത സമരസമിതിക്ക് വിശ്വാസമില്ലെന്നും കഴിഞ്ഞ 5 വര്ഷക്കാലം ഞങ്ങളുടെ അവകാശങ്ങള് നേടിത്തരുവാന് ഞങ്ങളോട് സഹകരിച്ചവരെ സഹായിക്കാനും യോഗം തീരുമാനിച്ചു. അതിന് പ്രകാരം തിരുവനന്തപുരത്ത് കഴക്കൂട്ടം മണ്ഡലത്തില് നിന്നും മത്സരിക്കുന്ന വി. മുരളീധരനെ സഹായിക്കാനും തെരഞ്ഞെടുപ്പ് പ്രവര്ത്തനങ്ങളില് പങ്കാളിയാകാനും തീരുമാനിച്ചതായി സംയുക്ത സമരസമിതി കണ്വീനര് രഞ്ജിത്ത് വി.ആര്. പ്രസ്ഥാപിച്ചു.
