പാറ്റ്ന: ഹിന്ദുസ്ഥാന് ടൈംസ് ദിനപത്രത്തിന്റെ സീനിയര് ബ്യൂറോ ചീഫ് വെടിയ്റ്റ് മരിച്ചു. രാജ്ദേവ് രഞ്ജനാ(42)ണ് വെടിയേറ്റ് മരിച്ചത്. ബിഹാറിലെ സിവാന് ജില്ലയില് ബ്യൂറോ ചീഫ് ആയിരുന്ന രാജ്ദേവിന് വെള്ളിയാഴ്ച വൈകീട്ടാണ് വെടിയേല്ക്കുന്നത്. ഉടന് സമീപത്തെ ആശുപത്രിയില് പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
സിവാന് റെയില്വേ സ്റ്റേഷന് സമീപത്ത് നില്ക്കുമ്പോള് ബൈക്കിലെത്തിയ അഞ്ചംഗ സംഘം രാജ്ദേവിന് നേരെ വെടിയുതിര്ത്തുകയായിരുന്നുവെന്ന് പോലീസ് പറഞ്ഞു. വളരെ അടുത്തു നിന്നാവാം ആക്രമികള് നിറയൊഴിച്ചതെന്നും പോലീസ് സംശിക്കുന്നു. തലയ്ക്കും കഴുത്തിനും ഏറ്റ ഗുരുതരമായ പരിക്കാണ് മരണ കാരണം.
സമീപ സംസ്ഥാനങ്ങളായ ബിഹാറിലും ജാര്ഖണ്ഡിലും 24 മണിക്കൂറിനുള്ളില് രണ്ട് മാധ്യമപ്രവര്ത്തകരാണ് വെടിയേറ്റ് മരിച്ചത്. ജാര്ഖണ്ഡിലെ ഛത്ര ജില്ലയില് വ്യാഴാഴ്ച രാത്രി മറ്റൊരു മാധ്യമപ്രവര്ത്തകന് കൊല്ലപ്പെട്ടിരുന്നു. ഒരു പ്രാദേശിക ചാനലില് ജോലി ചെയ്തു വന്നിരുന്ന അഖിലേഷ് പ്രതാപ് സിങാണ് മരിച്ചത്. ഛത്രയിലെ പഞ്ചായത്ത് കെട്ടിടത്തിന് സമീപം അഖിലേഷിനെ വെടിയേറ്റ് കൊല്ലപ്പെട്ട നിലയില് കണ്ടെത്തുകയായിരുന്നു.
അഖിലേഷിന്റെ കൊലപാതകത്തില് അന്വേഷണമാവശ്യപ്പെട്ട് ചില പ്രാദേശിക മാധ്യമപ്രവര്ത്തകര് ഡെപ്യൂട്ടി കമ്മീഷണറെ സമീപിച്ചിരുന്നു.
