ധര്മ്മടം: ധര്മ്മടം മണ്ഡലം എല്ഡിഎഫ് സ്ഥാനാര്ത്ഥി പിണറായി വിജയന്റെ തെരഞ്ഞെടുപ്പ് പ്രചാരണത്തിന് ചിറക്കുനിയില് അബു-ചാത്തുക്കുട്ടി സ്മാരക സ്റ്റേഡിയത്തില് തെരഞ്ഞെടുപ്പ് ചട്ടങ്ങള് ലംഘിച്ച് വന് താരമൂല്യമുള്ള കലാകാരന്മാരെ പങ്കെടുപ്പിച്ചുകൊണ്ട് കലാപരിപാടി നടത്തിയതിനെകുറിച്ച് സമഗ്ര അന്വേഷണം നടത്തണമെന്ന് ആവശ്യപ്പെട്ട് ബിജെപി ധര്മ്മടം നിയോജകമണ്ഡലം കമ്മറ്റി ജില്ലാ റിട്ടേണിംഗ് ഓഫീസര്ക്ക് പരാതി നല്കി.
പരിപാടിയുടെ പ്രചാരണം, വാഹനം, ബ്രോഷര്, പോസ്റ്റര്, നോട്ടീസ്, സ്റ്റേജ്, കസേരകള്, ലൈറ്റ് ആന്റ് സൗണ്ട്, സ്ഥലവാടക, കാണികള്ക്ക് കുടിവെള്ള വിതരണം, അലങ്കാരങ്ങള്, താരങ്ങളുടെ പ്രതിഫലം, യാത്രാചെലവ്, താമസം, ഭക്ഷണം എന്നീയനത്തില് ഒരു കോടിയിലധികം ചെലവഴിച്ച് നടത്തിയ ഈ പരിപാടി തെരഞ്ഞെടുപ്പ് ചട്ടങ്ങള്ക്ക് വിരുദ്ധമാണ് എന്ന് ബിജെപി ആരോപിച്ചു.
കൂടാതെ ഈ പരിപാടി രാത്രി 10.45വരെ തുടരുകയും ഞങ്ങളുടെ പരാതിയെ തുടര്ന്ന് ഉദ്യോഗസ്ഥര് ഇടപെട്ട് പരിപാടി നിര്ത്തിവെക്കുകയും ചെയ്തു. മേല്പറഞ്ഞ വിഷയത്തില് അന്വേഷണം നടത്തി നിയമ നടപടികളിലൂടെ എല്ഡിഎഫ് സ്ഥാനാര്ത്ഥി പിണറായി വിജയന്റെ സ്ഥാനാര്ത്ഥിത്വം റദ്ദാക്കണമെന്നും ബിജെപി ധര്മ്മടം നിയോജകമണ്ഡലം കമ്മറ്റി ആവശ്യപ്പെട്ടു.
