പൈവളിഗെ: കേരളത്തിലെ തകര്ന്ന റോഡുകള് ജനങ്ങള്ക്ക് ദുരിതമാകുന്നതായി എന്ഡിഎ മഞ്ചേശ്വരം മണ്ഡലം സ്ഥാനാര്ത്ഥി കെ.സുരേന്ദ്രന്. ഇത് നന്നാക്കേണ്ട ഭരണകൂടങ്ങളാകട്ടെ ഉറക്കം തൂങ്ങുകയാണ്. പൈവളിഗെ പഞ്ചായത്തിലെ തെരഞ്ഞെടുപ്പ് പര്യടനത്തിന്റെ ഭാഗമായി കുരുടപദവില് നടന്ന കോര്ണര് യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഭാരതത്തിലെ പിന്നാക്ക സംസ്ഥാനങ്ങളെക്കാള് മോശമാണ് കേരളത്തിലെ റോഡ് ഗതാഗതത്തിന്റെ അവസ്ഥ. ഐക്യകേരള രൂപീകരണ സമയത്ത് ഭാരതത്തിലെ ഏറ്റവും മികച്ച റോഡുകള് പലതും കേരളത്തിലായിരുന്നു. ഉന്നത നിലവാരമുണ്ടായിരുന്ന കേരളത്തിലെ റോഡിന്റെ ഇന്നത്തെ അവസ്ഥ എന്താണെന്ന് ജനങ്ങള് മനസ്സിലാക്കണമെന്നും അദ്ദേഹം പറഞ്ഞു. വര്ഷം മുഴുവന് മഴ പെയ്യുന്ന കേരളത്തിന് അനുയോജ്യമായത് കോണ്ക്രീറ്റ് റോഡുകളാണെന്ന് വിദഗ്ധ സമിതികള് ചൂണ്ടിക്കാണിച്ചിട്ടും കേരളത്തിലെ കോണ്ക്രീറ്റ് റോഡുകള് 3.57 ശതമാനം മാത്രമാണെന്ന് അദ്ദേഹം പറഞ്ഞു. യോഗത്തില് സുബ്രഹ്മണ്യഭട്ട് അധ്യക്ഷത വഹിച്ചു. വി.രവീന്ദ്രന്, ബാലകൃഷ്ണഷെട്ടി, സതീഷ്ചന്ദ്ര ഭണ്ഡാരി, രൂപവാണി.ആര്.ഭട്ട് എന്നിവര് സംസാരിച്ചു.
തകര്ന്ന റോഡുകള് ദുരിതമാകുന്നു; ഉറക്കംതൂങ്ങി ഭരണകൂടം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.