റാം
എളയാവൂര്: കഴിഞ്ഞ ആറുപതിറ്റാണ്ടുകാലം ഈ കേരളം മാറിമാറി ഭരിച്ച ഇടത്-വലത് മുന്നണികള് തങ്ങള്ക്ക് ഇനിയും ഒരവസരം കൂടി തരൂ എന്ന് യാചിച്ചുകൊണ്ട് ജനങ്ങളെ സമീപിക്കുന്നത് കേരള ജനതയെ വഞ്ചിക്കാനാണെന്ന് ആര്എസ്എസ് സഹപ്രാന്ത സംഘചാലക് അഡ്വ.കെ.കെ.ബാലറാം ചൂണ്ടിക്കാട്ടി. എളയാവൂര് കേശവമന്ദിറില് നടന്ന കുടുംബസംഗമത്തില് മുഖ്യപ്രഭാഷണം നടത്തുകയായിരുന്നു അദ്ദേഹം.
കാഴ്ചപ്പാടുകളല്ല, കര്മ്മപദ്ധതികളാണ് നാടിനെ നയിക്കുന്നവര്ക്ക് വേണ്ടതെന്നും അതില്ലാത്തതാണ് കേരളം ഇന്നത്തെ സ്ഥതിയിലാവാന് കാരണമെന്നും അദ്ദേഹം പറഞ്ഞു.
കഴിഞ്ഞ രണ്ടുവര്ഷത്തെ നരേന്ദ്രമോദിയുടെ ഭരണം വ്യക്തമായ കര്മ്മപദ്ധതിയുടെ അടിസ്ഥാനത്തിലായതിനാലാണ് പ്രധാനമന്ത്രി നരേന്ദ്രമോദിയെ ഭാരത്തിലെയും ലോകത്തിലെയും തന്നെ ജനങ്ങള്ക്ക് സ്വാകാര്യനാക്കിയതെന്നും അദ്ദേഹം പറഞ്ഞു. ഭാരതത്തിലെ വികസനത്തോടൊപ്പം കേരളത്തിന്റെ സമഗ്രമായ വികസനപദ്ധതിയുമായി ഈ തെരഞ്ഞെടുപ്പിനെ നേരിടുന്ന ബിജെപി ഇക്കുറി കേരളത്തില് വിജയിക്കേണ്ടത് കാലഘട്ടത്തിന്റെ ആവശ്യമാണെന്നും അദ്ദേഹം പറഞ്ഞു.
സംഗമത്തില് പൂര്വ്വ സൈനിക സേവാ പരിഷത്ത് മാതൃസമിതി രക്ഷാധികാരി ചന്ദ്രമതി ദാമോദരന് അധ്യക്ഷത വഹിച്ചു. സ്ഥാനാര്ത്ഥി കെ.ജി.ബാബു, റിട്ട.കേണല് പി.വി.ഡി.നമ്പ്യാര്, ബിജെപി സംസ്ഥാന സമിതി അംഗം എ.ദാമോദരന്, ആര്എസ്എസ് വിഭാഗ് സേവാ പ്രമുഖ് വി.വി.പ്രദീപന്, ബിജെപി മണ്ഡലം ജനറല് സെക്രട്ടറി കെ.കെ.ശശിധരന് എന്നിവര് പ്രസംഗിച്ചു. കെ.കെ.സുജീഷ് സ്വാഗതവും അഡ്വ.പി.ടി.രഞ്ചന് നന്ദിയും പറഞ്ഞു.
സംഗമത്തില്വെച്ച് കഴിഞ്ഞ എസ്എസ്എല്സി പരീക്ഷയില് ഉന്നത വിജയം കരസ്ഥമാക്കിയ വിദ്യാര്ത്ഥികളെ ഉപഹാരങ്ങള് നല്കി അനുമോദിച്ചു.
പെരുമ്പാവൂരില് ക്രൂര പീഢനത്തിനിരയായ കൊല്ലപ്പെട്ട ദളിത് നിയമ വിദ്യാര്ത്ഥിനി ജിഷയുടെ സ്മരണക്ക് മുന്നില് ആദരാഞ്ജലികളര്പ്പിച്ചുകൊണ്ടാണ് കുടുംബ സംഗമം ആരംഭിച്ചത്. കുടുംബ സംഗമത്തില് നൂറുകണക്കിന് വനിതകളും പങ്കെടുത്തു.
