കൊല്ലം: ജില്ലാ പി ആന്റ് റ്റി, ബിഎസ്എന്എല് എംപ്ലോയീസ് സഹകരണ സംഘത്തിലെ അഴിമതിക്കും സാമ്പത്തിക ക്രമക്കേടുകള്ക്കും ലോണ് വിതരണത്തിലെ സ്വജനപക്ഷപാത്തിനുമെതിരെ ബിടിഇയു ബിഎസ്എന്എലിന്റെ നേതൃത്വത്തില് സൊസൈറ്റിയുടെ മുന്നില് കൂട്ടധര്ണ്ണ നടത്തി. ബിഎംഎസ് ജില്ലാ പ്രസിഡന്റ് പി.ജയപ്രകാശ് ധര്ണ ഉദ്ഘാടനം ചെയ്തു. സാധാരണക്കാരായ തൊഴിലാളികള് അടയ്ക്കുന്ന വിഹിതം ഉപയോഗിച്ച് പ്രവര്ത്തിക്കുന്ന സൊസൈറ്റി രാഷ്ട്രീയ മണ്ഡലം നോക്കിയാണ് പ്രവര്ത്തിക്കുന്നതെന്ന് അതുമൂലം ജീവനക്കാര്ക്ക് വലിയ ബുദ്ധിമുട്ടനുഭവിക്കുന്നതായും അദ്ദേഹം പറഞ്ഞു. ബിഎസ്എന്എല് കെട്ടിടത്തില് പ്രവര്ത്തിക്കുന്ന സൊസൈറ്റി നിയമവിരുദ്ധമായി നടത്തിയ നിര്മ്മാണ പ്രവര്ത്തനങ്ങളെ കുറിച്ച് അന്വേഷിച്ച് ഭരണസമിതിക്കെതിരെ നടപടിയെടുക്കണമെന്ന് അദ്ദേഹം ആവശ്യപ്പെട്ടു.
ബിടിഇയു ജില്ലാ സെക്രട്ടറി വി.വേണു സ്വാഗതം പറഞ്ഞു. ജില്ലാ പ്രസിഡന്റ് ബി.മധുസൂദനന് അദ്ധ്യക്ഷത വഹിച്ചു. സര്ക്കിള് ഓര്ഗനൈസിംഗ് സെക്രട്ടറി പി.വിജയന്, സുന്ദരന്, ജില്ലാ ട്രഷറര് മോഹനന്പിള്ള തുടങ്ങിയവര് സംസാരിച്ചു.
