തിരുവല്ല: ശക്തമായ പോരാട്ടം നടക്കുന്ന തിരുവല്ലയില് ദേശീയ ജനാധിപത്യസഖ്യം ഒന്നാം ഘട്ടപ്രചാരണ പരിപാടികള് പൂര്ത്തിയാക്കിയെന്ന് ബിജെപി നിയോജകമണ്ഡലം അദ്ധ്യക്ഷന് വിനോദ് തിരുമൂലപുരം.സ്ഥാനാര്ത്ഥി അക്കീരമണ് കാളിദാസഭട്ടതിരി മണ്ഡലത്തിലെ എല്ലാ പ്രമുഖ വ്യക്തികളെയും നേരില്കണ്ട് പിന്തുണ അഭ്യര്ത്ഥിച്ചു. മത, സാമുദായിക, സാസ്കാരിക സംഘടനകള് ഊഷ്മളമായ സ്വീകരണമാണ് എന്ഡിഎ സ്ഥാനാര്ത്ഥിക്ക് കൊടുത്തത്.ഭരണപക്ഷ വിരോധവും ശക്തമായ പ്രതിപക്ഷത്തിന്റെ അസാന്നിദ്ധ്യവും എന്ഡിഎക്ക് അനുകൂലതരംഗം ഉണ്ടാകുമെന്ന് വിലയിരുത്തലാണ് നിലവില് ഉള്ളത്.ചുവരെഴുത്തുകളും,കമാനങ്ങളും,പോസ്റ്ററുകളും വിവിധഭാഗങ്ങളില് നിരന്നു കഴിഞ്ഞു.വിഷുവിനോട് അനുബന്ധിച്ച് വിഷുകാര്ഡുകളുടെ വിതരണത്തോടെയാണ് ഒന്നാം ഘട്ടം പൂര്ത്തിയായത്.ബൂത്ത് കമ്മറ്റികളുടെ സാന്നിദ്ധ്യത്തില് നടന്ന ഗൃഹസമ്പര്ക്കം വന്വിജയമായിരുന്നുവെന്നും വിനോദ് തിരുമൂലപുരം പറഞ്ഞു.കേന്ദ്രസര്ക്കാരിന്റെ വികസനനേട്ടങ്ങളും സംസ്ഥാന ഭരണത്തില് ദേശീയ ജനാധിപത്യസഖ്യം എത്തേണ്ടതിന്റെ ആവശ്യകതയും പ്രകടമാക്കുന്ന ലഘുലേഖകള് അടുത്തഘട്ടത്തില് വിതരണം ചെയ്യും.പരമാവധി വീടുകളില് സ്ഥാനാര്ത്ഥിയെ നേരിട്ടെത്തിക്കുന്നതിനുള്ള സംവിധാനങ്ങളാണ് നടന്നുവരുന്നത്.അതത് ബൂത്ത്കമ്മറ്റികള് ഇതിന് നേതൃത്വം വഹിക്കും.രണ്ടാം ഘട്ടത്തില് ദേശീയ സംസ്ഥാന നേതാക്കള് പങ്കെടുക്കുന്നവിവിധ പൊതുയോഗങ്ങളും മണ്ഡലത്തില് സംഘടിപ്പിക്കും.
തിരുവല്ല നിയോജകമണ്ഡലത്തില് എന്ഡിഎ ഒന്നാം ഘട്ട പ്രചരണംപൂര്ത്തിയായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.