മട്ടന്നൂര്: വരാന്പോകുന്ന നിയമസഭാ തെരഞ്ഞെടുപ്പില് എന്ഡിഎ കേരളത്തില് ചരിത്രവിജയം നേടുമെന്ന് ബിഡിജെഎസ് ദേശീയ സമിതി അംഗം അരയാക്കണ്ടി സന്തോഷ് അഭിപ്രായപ്പെട്ടു. എന്ഡിഎ മട്ടന്നൂര് നിയോജക മണ്ഡലം തെരഞ്ഞെടുപ്പ് കണ്വെന്ഷന് മട്ടന്നൂരില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേരളത്തിലെ ഇരുമുന്നണികളും ന്യൂനപക്ഷ പ്രീണനം നടത്താന് മത്സരിക്കുകയാണ്. ഈ ഘട്ടത്തില് കേരളത്തിലെ ജനങ്ങള് മാറിചിന്തിച്ചുതുടങ്ങി. ഇത് എന്ഡിഎക്ക് അനകൂലമായി മാറും. മോദിയുടെ നേതൃത്വത്തിലുള്ള കേന്ദ്ര സര്ക്കാര് എല്ലാ മേഖലകളിലും ഉജ്ജ്വല നേട്ടങ്ങളാണ് ഉണ്ടാക്കിയിരിക്കുന്നത്. ഇതുകാരണമാണ് കേരളത്തിലെ ഇരുമുന്നണികളും ബിജെപ്പിക്കെതിരെ കള്ളപ്രചരണങ്ങള് നടത്തുന്നത്. ഇടതുവലതു മുന്നണികളിലെ പാര്ട്ടികളില് പലതും പൊട്ടിത്തെറിയിലാണ്. ഇതുകൊണ്ട്തന്നെ ഈ തെരഞ്ഞെടുപ്പ് ബിജെപി മുന്നണിക്ക് അനുകൂലമാവുമെന്ന കാര്യത്തില് സംശയമില്ല. അദ്ദേഹംപറഞ്ഞു. ചടങ്ങില് സി.വി.വിജയന് മാസ്റ്റര് അധ്യക്ഷത വഹിച്ചു. ബിജെപി നേതാക്കളായ പി.സത്യപ്രകാശ്, കെ.രഞ്ജിത്ത്, വി.വി.ചന്ദ്രന്, യു.ഇന്ദിര, കെ.കെ,വിനോദ്കുമാര്, കെ.ജയപ്രകാശ്, വിജയന് വട്ടിപ്രം, യു.ഇന്ദിര, എ.കൃഷ്ണന്, സി.വി.നാരായണന്, സ്ഥാനാര്ത്ഥി ബിജു ഏളക്കുഴി, ഘടകകക്ഷി നേതാക്കളായ വര്ക്കി വട്ടപ്പാറ, വി.പി.ദാസന്, പി.എന്.,സാബു, ദാസന് പാലപ്പള്ളി എന്നിവര് സംസാരിച്ചു.
എന്ഡിഎ തെരഞ്ഞെടുപ്പ് കമ്മറ്റി ഓഫീസ് മട്ടന്നൂരില് ബിജെപി സംസ്ഥാന സമിതി അംഗം കെ.രഞ്ജിത്ത് ഉദ്ഘാടനം ചെയ്തു. സി.വി.വിജയന് മാസ്റ്റര്, അധ്യക്ഷത വഹിച്ചു. പി.സത്യപ്രകാശ്, കെ.കെ.വിനോദ്കുമാര്, എ.കൃഷ്ണന്, സി.വി.നാരായണന് എന്നിവര് സംസാരിച്ചു. എന്ഡിഎയുടെ നേതൃത്വത്തില് ടൗണില് റോഡ് ഷോയും നടന്നു. റോഡ് ഷോക്ക് നേതാക്കളായ കെ.രഞ്ജിത്ത്, പി.സത്യാപ്രകാശ്, അരയാക്കണ്ടി സന്തോഷ്, വി.വി.ചന്ദ്രന്, കെ.കെ.വിനോദ്കുമാര്, സി.വി.നാരായണന്, സി.വി.വിജന്മാസ്റ്റര് എന്നിവര് നേതൃത്വം നല്കി.
ബിജെപി വിജയരഥ പര്യടനത്തിന്റെ ജില്ലാതല ഉദ്ഘാടനം മട്ടന്നൂരില് നടന്ന ചടങ്ങില് ബിജെപി ജില്ലാപ്രസിഡണ്ട് പി.സത്യപ്രകാശ് ഉദ്ഘാടനം ചെയ്തു. ജില്ലാ കോഓഡിനേറ്റര് കെ.ജയപ്രകാശ് അധ്യക്ഷത വഹിച്ചു. സംസ്ഥാന സമിതി അംഗം കെ.രഞ്ചിത്ത്, മണ്ഡലം പ്രസിഡണ്ട് സി.വി.വിജയന്മാസ്റ്റര് എന്നിവര് സംസാരിച്ചു.
