മൂലമറ്റം: മാല മോഷണശ്രമത്തിനിടയില്‍ തലയ്‌ക്കടിയേറ്റ് ചികിത്സയിലായരുന്ന ഇലപ്പള്ളി മുരിക്ക നാനിക്കല്‍ അന്നമ്മ (96) യുടെ മരണത്തോടെ ഈ കേസ്സും തെളിയാത്ത കേസ്സുകളുടെ പട്ടികയില്‍ ഇടം നേടുന്നു.കഴിഞ്ഞ ഫെബ്രുവരി 6 നായിരുന്നു അന്നമ്മയ്‌ക്ക് വീട്ടുമുറ്റത്ത് വെച്ച് പകല്‍ ദുരൂഹ സാഹചര്യത്തില്‍ തലയ്‌ക്ക് അടിയേല്‍ക്കുന്നത്. ഓടിക്കൂടിയ നാട്ടുകാരുടെ സഹായത്താല്‍ മുതലകോടത്തെ സ്വകാര്യ ആശുപത്രിയില്‍ എത്തിച്ചപ്പോഴാണ് കഴുത്തില്‍ കിടന്ന മാല നഷ്ടപ്പെട്ട വിവരം ശ്രദ്ധയില്‍ പെട്ടത്. മാല മോഷണത്തിനിടെയാണ് അന്നമ്മയ്‌ക്ക് പരിക്കേറ്റത് എന്ന നിഗമനത്തില്‍ പോലീസ് അന്വേഷണം മുന്നോട്ടു പോയി കാഞ്ഞാര്‍ സര്‍ക്കിള്‍ ഇന്‍സ്‌പെക്ടര്‍ തങ്കപ്പന്റെ നേതൃത്വത്തില്‍ പ്രത്യേക അന്വേഷണ സംഘം രൂപീകരിച്ച് കേസ്സ് അന്വേഷിച്ചിട്ടും തുമ്പുണ്ടാക്കുവാന്‍ കഴിഞ്ഞില്ല .ഈ കേസ്സുമായി ബന്ധപ്പെട്ട് സംശയത്തിന്റെ നിഴലില്‍ വന്ന സമീപവാസിയായ ജയ്‌സമ്മ പോലീസ് ചോദ്യം ചെയ്യാന്‍ ശ്രമിക്കുന്നുവെന്നറിഞ്ഞ് സ്വന്തം മകനായ ആഷിനെ കൊലപ്പെടുത്തി ആത്മഹത്യയ്‌ക്കു ശ്രമിച്ചു. ജയ്‌സമ്മയെ ചോദ്യം ചെയ്തപ്പോള്‍ മോഷണകുറ്റം ഇവര്‍ നിഷേധിച്ചു.ഒരു പിഞ്ചു കുഞ്ഞിന്റെ കൊലപാതകത്തില്‍ കലാശിച്ച സംഭവങ്ങളുടെ ചുരളഴിക്കുവാന്‍ പോലീസിന് കഴിഞ്ഞില്ല.തലയ്‌ക്ക് ഗുരുതരമായി പരിക്കേറ്റ അന്നമ്മ അബോധാവസ്ഥയിലായത് കേസ്സ് അന്വേഷണത്തെ ബാധിച്ചു ഞായറാഴ്ച ഉച്ചതിരിഞ്ഞ് അന്നമ്മ മരണത്തിന് കീഴടങ്ങിയതോടെ മോഷണ കേസ്സിന് തുമ്പുണ്ടാക്കാം എന്ന അവസാന പ്രതീക്ഷയും നഷ്ടമായി മാലമോഷണശ്രമവും അതിനെ തുടര്‍ന്ന് നടന്ന കൊലപാതകവും പോലീസിനെ ഏറെ സമ്മര്‍ദ്ദത്തിലാഴ്‌ത്തി.അന്നമ്മയില്‍ നിന്ന് എന്തെങ്കിലും വിവരം കിട്ടുമെന്ന പ്രതീക്ഷയിലായിരുന്നു പോലീസ് എന്നാല്‍ അന്നമ്മയില്‍ നിന്നും വിവരം ശേഖരിക്കുവാന്‍ പോലീസിന് കഴിഞ്ഞില്ല .അന്നമ്മയുടെ മരണം സംഭവിച്ചതോടെ കൊലക്കുറ്റത്തിന് കേസ്സെടുക്കുവാണ് പോലീസ് ശ്രമിക്കുന്നത്.
തലക്കടിയേറ്റ തൊണ്ണൂറ്റിയാറുകാരിയുടെ മരണം; അന്വേഷണം വഴിമുട്ടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.