കണ്ണൂര്: കണ്ണൂര് കോര്പറേഷനില്പ്പെട്ട പള്ളിക്കുന്ന് അംബികാ റോഡില് വാട്ടര് അതോറിറ്റി ശുദ്ധജല വിതരണം വീണ്ടും താളംതെറ്റി. ഏതാനും ദിവസം മുമ്പ് വിതരണം പുനസ്ഥാപിച്ചിരുന്നുവെങ്കിലും കഴിഞ്ഞ രണ്ടു ദിവസങ്ങളിലായി വിതരണം മുടങ്ങിയ സ്ഥിതിയിലാണ്. ജലവിതരണം മുടങ്ങിയത് ചൂണ്ടിക്കാട്ടി ബിജെപി പ്രവര്ത്തകയും കഴിഞ്ഞ മുനിസിപ്പല് കോര്പറേഷന് തെരഞ്ഞെടുപ്പില് ബിജെപി സ്ഥാനാര്ത്ഥിയുമായിരുന്ന ഒ.കെ.വിജയലക്ഷ്മി അധികൃതര്ക്ക് പരാതി നല്കിയിരുന്നു. പരാതിയില് അടിയന്തിര പരിഹാരം കാണണമെന്ന് കലക്ടര് വാട്ടര് അതോറിറ്റിക്ക് നിര്ദ്ദേശം നല്കുകയും ചെയ്തിരുന്നു. ഇതിന്റെ അടിസ്ഥാനത്തില് ജലവിതരണം പുനസ്ഥാപിക്കുകയായിരുന്നു. പൈപ്പിന്റെ അറ്റകുറ്റപ്പണി നടത്തിയാണ് ശുദ്ധജല വിതരണം ആരംഭിച്ചത്. എന്നാല് രണ്ടു ദിവസമായി ആവശ്യത്തിന് വെളളം ലഭിക്കാതായിരിക്കുകയാണ്. വീണ്ടും പ്രദേശത്ത് ശുദ്ധജലം വിതരണം മുടങ്ങിയത് പ്രദേശവാസികള്ക്കിടയില് ശക്തമായ പ്രതിഷേധം ഉയര്ന്നിട്ടുണ്ട്.
പള്ളിക്കുന്നില് വീണ്ടും ശുദ്ധജല വിതരണം നിലച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.