കേന്ദ്രഗവണ്മെന്റിന്റെ സഹായത്തോടെ റ്റീ ബോര്ഡ് ഏറ്റെടുത്ത് നടത്തുന്നതുപോലെ പട്ടിണിയും ആത്മഹത്യകളും പെരുകി വരുന്ന പീരുമേട് റ്റീ കമ്പനിയും കോട്ടമല ബൊണാമി എസ്റ്റേറ്റുകളും റ്റീ ബോര്ഡിനെകൊണ്ട് ഏറ്റെടുപ്പിച്ച് തൊഴിലാളികളുടെ ശമ്പളകുടിശിഖയും ഗ്രാറ്റുവിറ്റിയും മറ്റാനുകൂല്യങ്ങളും നല്കണമെന്ന് ഇടുക്കി ജില്ലാ എസ്റ്റേറ്റ് മസ്ദൂര് സംഘ് ഭാരവാഹികള് കേന്ദ്ര സംസ്ഥാന സര്ക്കാരുകളോട് ആവശ്യപ്പെട്ടു. പശ്ചിമ ബംഗാളില് ഇടതുവലതു മുന്നണി ഭരണത്തില് അഞ്ഞൂറോളം തൊഴിലാളികള് പട്ടിണി, കടക്കെണി, രോഗദുരിതം എന്നിവമൂലം ആത്മഹത്യ ചെയ്ത സ്ഥിതി വിശേഷം കേരളത്തിലും ഉടലെടുത്തിരിക്കുകയാണ്. ഇടതു ഭരണത്തില് അടച്ചുപൂട്ടിയ പീരുമേട് ടീ കമ്പനി ഒന്നേകാല് പതിറ്റാണ്ടിന് ശേഷമാണ് തുറന്ന് പ്രവര്ത്തിക്കുവാന് തീരുമാനിച്ചത്. ഈ കാലയളവില് 300 ഓളം തൊഴിലാളികള് തങ്ങള്ക്ക് ലഭിക്കേണ്ട ഗ്രാറ്റുവിറ്റിയും മറ്റാനുകൂല്യങ്ങളും ലഭിക്കാത്തവരായി മരിച്ച് വീണു. തോട്ടം പാട്ടത്തിനെടുത്ത ലീസിയും തോട്ടമുടമയും ചേര്ന്ന് വീണ്ടും തൊഴിലാളികളെ ആത്മഹത്യയിലേക്ക് നയിക്കുകയാണ്. ഇവര്ക്കെതിരെ ആത്മഹത്യ പ്രേരണ കുറ്റത്തിന് ഗവണ്മെന്റ് കേസെടുക്കേണ്ടതാണ്. കഴിഞ്ഞ ശമ്പള പരിഷ്കരണത്തില് വര്ദ്ധിപ്പിച്ച ശമ്പള കുടിശ്ശിഖയും ഇതര ആനുകൂല്യങ്ങളും ലഭിക്കാത്ത നിര്ഭാഗ്യവാന്മാരായി പീരുമേട് ടീ കമ്പനിയിലെ തൊഴിലാളികളെ മാറ്റിയതില് ഇടതു വലത് ട്രേഡ് യൂണിയനുകള്ക്കും, സ്ഥലം എംഎല്എയ്ക്കും പങ്കുണ്ടെന്നും അതുകൊണ്ട് തന്നെ തൊഴിലാളികളുടെ ആവശ്യങ്ങള് നേടുന്നതിന് വേണ്ടി ബിഎംഎസ് നേതൃത്വത്തില് ശക്തമായ പ്രക്ഷോഭ പരിപാടികള് ആരംഭിക്കുവാന് ഉപ്പുതറയില് ചേര്ന്ന ഇടുക്കി ജില്ലാ എസ്റ്റേറ്റ് മസ്ദൂര് സംഘം ഭാരവാഹിയോഗം തീരുമാനിച്ചു. യോഗത്തില് ഫെഡറേഷന് പ്രസിഡന്റും പിഎല്സി അംഗവുമായ എന് ബി ശശിധരന്, യൂണിയന് പ്രസിഡന്റ് ഭുവനചന്ദ്രന്, ജനറല് സെക്രട്ടറി ബി വിജയന് ടീ ബോര്ഡ് അംഗം പി മോഹനന്, എന് ബി മോഹന്ദാസ്, എ അശോകന്, എന് ജെ വിജയന്, എസ് പി രാജരത്തിനം, പളനിവേല്, പി കെ വേലായുധന്, അനിരുദ്ധന് എന്നിവര് പ്രസംഗിച്ചു.
പീരുമേട് റ്റീ കമ്പനി റ്റീ ബോര്ഡ് ഏറ്റെടുക്കണം; ബിഎംഎസ് പീരുമേട്: പശ്ചിമബംഗാളില് മാനേജ്മെന്റ് ഉപേക്ഷിച്ച് പോയ തേയില തോട്ടങ്ങള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.