കുമളി: മംഗളാദേവി കണ്ണകി ക്ഷേത്ര ഉത്സവത്തോട് അനുബന്ധിച്ച് തമിഴ്‌നാട്ടിലെയും കേരളത്തിലെയും ഉദ്യോഗസ്ഥര്‍ നടത്തിയ യോഗം ഹൈന്ദവ സംഘടന നേതാക്കളെ അറിയിച്ചില്ല. കേരളത്തിലെ പ്രധാന ഹിന്ദു സംഘടനാ പ്രവര്‍ത്തകരും കുമളി ശ്രീ ദുര്‍ഗ ഗണപതി ക്ഷേത്ര ഭാരവാഹികളും അധികാരികളെ പ്രതിഷേധം അറിയിച്ചിട്ടുണ്ട്. റവന്യു, വനം വകുപ്പ് ഉദ്യോഗസ്ഥരുടെ തന്നിഷ്ടപ്രകാരമാണ് കേരളത്തില്‍ ഉത്സവത്തോട് അനുബന്ധിച്ചുള്ള പ്രവര്‍ത്തനങ്ങള്‍ നടക്കുന്നത്. തമിഴ്‌നാട് സര്‍ക്കാര്‍ കണ്ണകി ട്രസ്റ്റ് ഭാരവാഹികളുടെ നിര്‍ദ്ദേശങ്ങള്‍ പരിഗണിച്ചാണ് മുന്നോട്ടുപോകുന്നത്. കേരളത്തിലാകട്ടെ കണ്ണകി ക്ഷേത്ര കാണിയ്‌ക്ക ഉള്‍പെടെയുള്ള വരുമാനം ഉദ്യോഗസ്ഥരുടെ നിയന്ത്രണത്തിലാക്കും. കഴിഞ്ഞ വര്‍ഷം ലഭിച്ച വരുമാനത്തിന്റെ വരവ് ചെലവ് കണക്കുകള്‍ ആലോചനയോഗത്തില്‍ അവതരിപ്പിക്കാതെ ഉദ്യോഗസ്ഥര്‍ മൗനം പാലിച്ചു.ഇതിനെ പങ്കെടുത്തവര്‍ ചോദ്യം ചെയ്തപ്പോള്‍ അജണ്ടയിലെ വിഷയമല്ലന്നു പറഞ്ഞു ബന്ധപെട്ടവര്‍ ഒഴിഞ്ഞുമാറി. ക്ഷേത്ര വിശ്വാസികളുടെ പണം ഉദ്യോഗസ്ഥര്‍ കൊള്ളയടിക്കാന്‍ അനുവദിക്കില്ലെന്ന നിലപാടിലാണ് ഹൈന്ദവ സംഘടനകള്‍ .
മംഗളാദേവി ആലോചന യോഗം പ്രഹസനം; ക്ഷേത്ര വരുമാനത്തില്‍ കണ്ണെറിഞ്ഞ് ഉദ്യോഗസ്ഥര്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.