മുട്ടം: തോട്ടുംകര പ്രദേശം കഞ്ചാവ് വില്പ്പനക്കാരുടെ സങ്കേതമാകുന്നു. ഇവിടെ ഒളിഞ്ഞും തെളിഞ്ഞുമുള്ള കഞ്ചാവ് കച്ചവടം പൊടിപൊടിക്കുന്നു. കഞ്ചാവ് വില്പ്പനയെക്കുറിച്ച് വ്യാപകമായ പരാതി നിലവില് ഉണ്ടെങ്കിലും വില്പ്പന നടത്തുന്നവരെ കണ്ടെത്തുവാന് അധികൃതര് ശ്രമിക്കുന്നില്ല. വിദ്യാര്ത്ഥികള്ക്ക് കഞ്ചാവ് എത്തിച്ചു കൊടുക്കുന്ന വലിയൊരു ശൃംഖല തന്നെ പ്രവര്ത്തിക്കുന്നു.എഞ്ചിനീയറിംഗ് കോളേജ,് പോളിടെക്നിക് തുടങ്ങിയ വിദ്യാഭ്യാസ സ്ഥാപനങ്ങളിലെ വിദ്യാര്ത്ഥികള് കഞ്ചാവ് കച്ചവടക്കാരുമായി അടുത്ത ചങ്ങാത്തത്തിലാണ്. നിരന്തരം ഉണ്ടാകുന്ന വിദ്യാര്ത്ഥി സംഘര്ഷങ്ങളില് ലഹരി പദാര്ത്ഥങ്ങളുടെ സ്വാധീനം സംശയിക്കേണ്ടതാണ്.പോളിടെക്നിക്കിനു സമീപമുള്ള ഹോസ്റ്റല് കേന്ദ്രീകരിച്ച് നടക്കുന്ന സദാചാര വിരുദ്ധ പ്രവര്ത്തനങ്ങള്ക്ക് പ്രബല വിദ്യാര്ത്ഥി സംഘടന എല്ലാവിധ ഒത്താശയും ചെയ്തു കൊടുക്കുന്നത് കലാലയങ്ങളെ സ്ഥിരം സംഘര്ഷഭൂമിയാക്കുന്നു.പൊതു സ്ഥലങ്ങളില് രഹസ്യമായി സൂക്ഷിക്കുന്ന കഞ്ചാവ് പൊതികള് ആവശ്യക്കാര്ക്ക് ആവശ്യ സമയം എടുത്ത് കൊടുക്കുന്ന ശൈലിയാണ് കഞ്ചാവ് കച്ചവടക്കാര് സ്വീകരിക്കുന്നത്. അതീവ രഹസ്യമായി പൊതു ഇടങ്ങളില് സൂക്ഷിക്കുന്ന കഞ്ചാവ് കണ്ടെത്തുവാന് പോലീസിനോ എക്സൈസിനോ കഴിയാറില്ല . എക്സൈസിലെ അംഗസംഖ്യയിലെ കുറവ് നിരന്തര പരിശോധനക്ക് തടസ്സമാകുന്നു .സാന്നിധ്യമറിയിക്കാന് എക്സൈസിന്റെ വാഹനം കറങ്ങി തിരിച്ചു പോകുന്നുണ്ടെങ്കിലും കഞ്ചാവ് കച്ചവടക്കാരെ നിയമത്തിനു മുമ്പില് എത്തിക്കുവാന് സാധിക്കുന്നില്ല. തകൃതിയായി നടക്കുന്ന കഞ്ചാവ് വില്പ്പന ഇല്ലാതാക്കണമെങ്കില് പോലീസും എക്സൈസും സംയുക്തമായി നിരന്തര പരിശോധന നടത്തണമെന്നാണ് നാട്ടുകാരുടെ അവശ്യം.
മുട്ടം തോട്ടുംകരയില് കഞ്ചാവ് മാഫിയ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.