പുനലൂര്: ഭാരതം ഭരിക്കുന്നത് കര്മ്മനിരതനായ പ്രധാനമന്ത്രിയാണെന്ന് ബിജെപി സംസ്ഥാന വൈസ് പ്രസിഡന്റ് ബി.രാധാമണി പറഞ്ഞു.
ബിജെപി പുനലൂര് നിയോജക മണ്ഡലം കണ്വന്ഷന് ഉദ്ഘാടനം ചെയ്യുകയായിരുന്നു അവര്. ഇന്ന് ബിജെപിയിലേക്ക് നിരവധി മുന്നണികളില് നിന്നും ആയിരകണക്കിന് ആളുകളാണ് എത്തുന്നത്. നമുക്ക് പറയാനുള്ളത് കേരളത്തിന്റെ നേട്ടങ്ങളല്ല കേന്ദ്രത്തിന്റെതാണ്. കേരളത്തിലെ ജനങ്ങള് ഏറെ വിദ്യാസമ്പന്നരും കഴിവുള്ളവരുമാണ്. ലോകത്ത് എവിടെയും മലയാളികളുണ്ട്. വിദേശികള് മലയാളികളുടെ കഴിവ് അംഗീകരിക്കുന്നു. ആ കഴിവുകള് അവര് പ്രയോജനപ്പെടുത്തുന്നു. കേരളത്തില് വികസനമില്ലാത്തത് കൊണ്ടാണ് അവര് വിദേശരാജ്യങ്ങളിലേക്ക് തൊഴില് തേടി പോകുന്നത്. കാലങ്ങളായി ഭരിച്ച ഒരു സര്ക്കാരും ജനഭാഗത്ത് നിന്ന് ചിന്തിച്ചിട്ടില്ല. കേന്ദ്രത്തില് എല്ലാവര്ക്കും തുല്യനീതിയെന്ന ആശയം വച്ചാണ് മോദിസര്ക്കാര് പ്രവര്ത്തിക്കുന്നത്. രാജ്യത്തെ പല സംസ്ഥാനങ്ങളും ഇന്ന് ബിജെപിയാണ് ഭരിക്കുന്നത്. അവിടെയെല്ലാം തുടര്ഭരണങ്ങള് ലഭിക്കുന്നു. അതിന്റെ മുഖ്യകാരണം ബിജെപി സര്ക്കാര് സാധാരണക്കാരന് നല്കുന്ന വികസനമാണ്. പാവപ്പെട്ടവന് വേണ്ടിയെന്ന ചിന്തവച്ച് പ്രവര്ത്തിക്കുന്ന സര്ക്കാരിനെയാണ് കേരളം കാത്തിരിക്കുന്നത്. അത് ഇടതിലൂടെയും വലതിലൂടെയും സാധിക്കില്ല. അതിന് നിലവില് ഒരേ ഒരു മുന്നണിയെ ഉള്ളു. അത് ബിജെപി നയിക്കുന്ന ദേശീയ ജനാധിപത്യസഖ്യമാണെന്നും രാധാമണി കൂട്ടിച്ചേര്ത്തു.
ബിജെപി സംസ്ഥാന സെക്രട്ടറി രാജിപ്രസാദ്, മേഖലാപ്രസിഡന്റ് വെളിയാംകുളം പരമേശ്വരന്, ജില്ലാ ജനറല് സെക്രട്ടറി അഡ്വ.പി.അരുള്, അഡ്വ.വയ്ക്കല്സോമന്, മണ്ഡലം പ്രസിഡന്റ് ആലഞ്ചേരി ജയചന്ദ്രന്, കൃഷ്ണന്നായര്, ആര്എസ്എസ് പുനലൂര് ജില്ലാ ബൗദ്ധിക് പ്രമുഖ് ഉമേഷ്ബാബു എന്നീവര് സംസാരിച്ചു. തെരഞ്ഞെടുപ്പ് ഇന്ചാര്ജ്ജ് ആയൂര്മുരളി അദ്ധ്യക്ഷത വഹിച്ചു.
