അടിമാലി: ലക്ഷങ്ങള് മുടക്കി നിര്മ്മിച്ച മൂന്നാര് കെഎസ്ആര്ടിസി ഡിപ്പോ കന്നുകാലികളുടെ വിഹാരകേന്ദ്രമായിമാറി. തെരഞ്ഞെടുപ്പ് മുന്നില് കണ്ടാണ് ഒരുമാസം മുമ്പ് തിടുക്കത്തില് സ്ഥലം എംഎല്എ മന്ദിര ഉദ്ഘാടനം നടത്തിയത്. ജില്ലാ ശുചിത്വമിഷന്റെ ഫണ്ട് ഉപയോഗിച്ച് നിര്മ്മിച്ച ടോയ്ലറ്റ് കോംപ്ലക്സും ഇതുവരെ തുറന്ന് കൊടുക്കാന് അധികൃതര് തയ്യറായിട്ടില്ല. ഓഫീസ് പ്രവര്ത്തനം ഇപ്പോഴും മുമ്പ് പ്രവര്ത്തിച്ചുകൊണ്ടിരുന്ന അസൗകര്യങ്ങള്ക്കിടയില് തന്നെ തുടരുകയും ചെയ്യുന്നു. ഓഫീസ് പ്രവര്ത്തിയ്ക്കേണ്ട കെട്ടിടത്തിലാണ് നാല്ക്കാലികളും ജീവനക്കാരുടെ വാഹനങ്ങളും ഒക്കെയായി തിങ്ങിനിറഞ്ഞ് അനുദിനം വൃത്തിഹീനമായിക്കൊണ്ടിരിക്കുന്നത്. ആധുനിക രീതിയില് കല്ലുകള് പതിച്ച മന്ദിരത്തിനുള്ളില് അലഞ്ഞുതിരിയുന്ന നാല്ക്കാലികളുടെ വിശ്രമ സങ്കേതമായി മാറിയിട്ടും അധികൃതര് കണ്ടില്ലെന്ന് നടിക്കുകയാണ്. ബസുകള് പാര്ക്ക് ചെയ്യാനുള്ള ഗ്രൗണ്ട് സ്വകാര്യ വാഹനങ്ങള് പാര്ക്ക് ചെയ്യുന്ന സ്ഥിതിയാണുള്ളത്. യാത്രക്കര്ക്കും ജീവനക്കാര്ക്കും പ്രാഥമിക ആവശ്യങ്ങള് നിറവേറ്റാന് നിര്മ്മിച്ച പുതിയ ടോയ്ലറ്റ് കോംപ്ലക്സ് തുറന്ന് കൊടുക്കാത്തിനാല് പ്രതിസന്ധി രൂക്ഷമാക്കിയിട്ടുണ്ട്.
മൂന്നാര് കെഎസ്ആര്ടിസി ഡിപ്പോയില് കന്നുകാലികള്ക്ക് സൈ്വര്യ വിഹാരം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.