തിരുവനന്തപുരം: കലയിലും സംസ്കാരത്തിലും സാഹിത്യത്തിലും എന്നു വേണ്ട മലയാളിയുടെ ജീവിതത്തിന്റെ സമസ്ത മേഖലകളിലും സ്വാധീനം ചെലുത്തിയ നദികളെ ദേവതകളായി ആരാധിച്ചിരുന്ന പൂര്വ്വിക പാരമ്പര്യത്തിന് മുതല്കൂട്ടായി നദീവന്ദനം. ബിജെപി ജില്ലാ കമ്മിറ്റിയാണ് ജലദിനത്തില് കരമനയാറില് ജലവന്ദനം പരിപാടി സംഘടിപ്പിച്ചത്. നദികളെന്നാല് മാലിന്യം തള്ളാനും മണല് വാരാനും കയ്യേറാനും ഉള്ള പുറംപോക്കാക്കി മാറ്റാനുള്ളതല്ല എന്ന് സന്ദേശമായിരുന്നു പരിപാടിയില് പങ്കെടുത്ത സാംസ്ക്കാരിക നായകര് സൂചിപ്പിച്ചത്.
കരമനയാറിന് തീരത്തെ കല്പ്പടവുകളെ വേദിയാ
ബിജെപി ജില്ലാ കമ്മിറ്റി സംഘടിപ്പിച്ച നദീവന്ദനത്തില് ബിജെപി സംസ്ഥാന അദ്ധ്യക്ഷന് കുമ്മനം രാജശേഖരന്, മുതിര്ന്ന നേതാവ് ഒ. രാജഗോപാല്, കാനായികുഞ്ഞു രാമന് തുടങ്ങിയവര് നദീപൂജ ചെയ്യുന്നു
ക്കിയായിരുന്നു ജലവന്ദനം. പ്രത്യേകം വേദി തയ്യാറാക്കാതെ പ്രകൃതിക്കിണങ്ങുന്ന തരത്തിലായിരുന്നു പരിപാടി സംഘടിപ്പിച്ചത്. നദിക്കരികില് തന്ത്രി സുന്ദര് ശര്മ്മയുടെ നേതൃത്വത്തില് പ്രത്യേക പൂജയും ഹോമങ്ങളും നടത്തി. പ്രകൃതിയെ കാര്ന്നുതിന്നുന്ന കുന്നിടിക്കലും നെല്പ്പാടങ്ങളും കായലുകളും നികത്തുന്നത് അനുവദിക്കില്ലാ എന്ന് പ്രതിജ്ഞ എടുത്താണ് നദീവന്ദനത്തില് പങ്കെടുത്തവര് പിരിഞ്ഞത്.
പ്രകൃതി ഇന്നത്തെ എന്റെ സുഖ ജീവിതത്തിന് വേണ്ടി മാത്രമല്ല. വരുന്ന നിരവധി തലമുറകള്ക്ക് കൂടി വേണ്ടിയാണ്. മുന് തലമുറയില് നിന്ന് സ്വീകരിച്ച പ്രകൃതി സമ്പത്ത് മലിനമാക്കാതെ വരും തലമുറക്ക് കൈമാറേണ്ട ബാധ്യത ഞാന് ഏറ്റെടുക്കുന്നു എന്ന സന്ദേശം നല്കിയാണ് ജലവന്ദന പരിപാടി സമാപിച്ചത്.
