കല്പ്പറ്റ : ഉദ്യോഗസ്ഥര് വ്യാജരേഖ നല്കിയതുമൂലം ക്വാറി പ്രവര്ത്തിക്കുന്നു എന്നാരോപിച്ച് അത്താണിക്വാറിക്കെതിരെ നാട്ടുകാര് രംഗത്ത്. 75 ആദിവാസി കുടുംബങ്ങളിലായി 300 ഓളം അംഗങ്ങള് താമസിക്കുന്ന വെള്ളമുണ്ട പഞ്ചായത്തിലെ വാളാരംകുന്ന് കൊയറ്റ്പാറക്കുന്നിലെ ക്വാറിക്കെതിരെയാണ് നാട്ടുകാര്രംഗത്തുവന്നിരിക്കുന്നത്.
പാവപ്പെട്ട ആദിവാസികള് താമസിക്കുന്ന ഈപ്രദേശത്ത് ആദിവാസികളുടെ ഭൂമി കയ്യേറി അത്താണി ബ്രിക്സ് ആന്ഡ് മെറ്റല്സ് കമ്പനി ഉടമ മാത്യു ജോസഫ് എന്നയാളുടെ ക്വാറി വര്ഷങ്ങളായി പ്രവര്ത്തിച്ചുവരുന്നതായും ഇതിനെതിരെനടപടി ആവശ്യപ്പെട്ട് ആക്ഷന് കമ്മിറ്റി ഭാരവാഹികള് കല്പ്പറ്റയില് പത്രസമ്മേളനം നടത്തി.
നിരന്തര പ്രക്ഷോഭങ്ങളുടെ ഭാഗമായി ക്വാറിയുടെ പ്രവര്ത്തനം പല അവസരങ്ങളില് നിര്ത്തിവെച്ചിരുന്നു. കേരള ഹൈക്കോടതിയില് ഉണ്ടായിരുന്നഡബ്യു (സി)നമ്പര് 35962/15 കേസ്സില് ക്വാറിയിംഗ് ലിസ്സിന് അനുവദിക്കപ്പെട്ട ഭൂമിയുടെ അതിര്ത്തി നിശ്ചയിക്കാന് താഹസില്ദാരെ ചുമതലപ്പെടുത്തി. പട്ടയസ്ക്കെച്ച്പ്രകാരം ലിസ്സിന് ലഭിച്ച ഭൂമി അളക്കാതെ ലൊക്കേഷന് സ്ക്കെച്ച്കൊണ്ട് ഭൂമി അളന്ന് റിപ്പോര്ട്ട് കലക്ടര്ക്ക് നല്കിയതായി അറിയാന് കഴിഞ്ഞതായും ഭാരവാഹികള് പറഞ്ഞു. വെള്ളമുണ്ട വില്ലേജി ല് സര്വ്വേനമ്പര് 622/ എയില്പ്പെട്ട പട്ടയസ്ക്കെച്ചുകള് പ്രകാരം പതിച്ചുകിട്ടിയ ഭൂമികളായ എല്എ 21/84 ചീനിക്കോട്ടില് നാരായണന് ഒരു ഏക്കര്, എല്എ 27/86 ടി.കെ.കണ്ണന് 1.65, എല്എ 12/69 പി.പി.കുട്ടന് 1.60 ഏക്കര് എന്നീ ഭുമികള് എല്ലാംകൂടി നാല് ഏക്കര് പതിനഞ്ച് സെന്റിനാണ് ക്വാറിക്ക് അനുമതി ലഭിച്ചിട്ടുള്ളത്. പരസ്പരം അതിര്ത്തി പങ്കിടാത്ത ഈഭൂമികള്ക്ക് റവന്യു ഉദ്യോഗസ്ഥര് ഒരുപ്ലോട്ടായി സ്ക്കെച്ച് വരച്ച് ക്വാറിക്ക് അനുമതി ലഭിക്കുവാന് കൂട്ടുനിന്നതായും ഇവര് പറഞ്ഞു. ഇതുപകാരമുള്ള ഭൂമിയില്പ്പെടാത്ത ആദിവാസിക ള് കൈവശംവെക്കുന്ന സ്ഥലത്താണ് ഇത്രയുംവര്ഷം ക്വാറി പ്രവര്ത്തിച്ചിരുന്നത്. ഇപ്പോ ള് പട്ടയഭൂമി അളക്കാതെ സര്ക്കാര്ഭൂമിയില് കയ്യേറി ക്വാറി പ്രവര്ത്തിക്കുകയാണ് ചെയ്യുന്നത്.
കോടതി ഉത്തരവ് പ്രകാരം ലീസ്സിന് അനുവദിച്ച പട്ടയസ്ക്കെച്ച് പ്രകാരമുള്ള ഭൂമി അളക്കുകയാണെങ്കില് ക്വാറിയെ സംബന്ധിച്ച അനധികൃത കയ്യേറ്റം കണ്ടെത്താന് കഴിയും. സര്ക്കാര് ഭൂമിയില് കയ്യേറി പ്രവര്ത്തിക്കുന്ന ഈക്വാറി തൊട്ടടുത്തു താമസിക്കുന്ന ആദിവാസികളുടെ വീടിനും സ്വത്തിനും ജീവനും ഭീഷണിയാണ്. പകല് സമയങ്ങളില് തുടര്ച്ചയായി സ്ഫോടനം നടത്തി കല്ല് പൊട്ടിക്കുന്നതുകാരണം വീടുകളില് താമസിക്കാന് ആദിവാസികള് ഭയപ്പെടുകയാണ്.
കോളനിയിലേക്കുള്ള ഏകവഴിയായ വാളാരംകുന്ന് കൊയറ്റ് പാറ റോഡില് കൂടി നിരന്തരം പത്തോളം ടിപ്പര് ലോറികള് കല്ലുമായി പോകുന്നതിനാല് ജനങ്ങള്ക്ക് യാത്ര ചെയ്യാന് സാധിക്കുന്നില്ല. കുട്ടികള്ക്ക് വിദ്യാലയങ്ങളില് പോകുവാനോ, രോഗികളെ ആശുപത്രിയിലെത്തിക്കാനോ തുടങ്ങി പ്രധാന ആവശ്യങ്ങള്ക്കുപോലും ബുദ്ധിമുട്ടുകയാണ്. കോടതി ഉത്തരവ് പ്രകാരം നടപടികള് സ്വീകരിക്കണമെന്നാണ് ജനങ്ങള് ആവശ്യപ്പെടുന്നത്. ക്വാറി മാഫിയകളെ സഹായിക്കുന്ന ഉദ്യോഗസ്ഥ നടപടി തിരുത്തണമെന്നും ആദിവാസികളുടെയും സര്ക്കാരിന്റെയും ഭൂമി സംരക്ഷിക്കണമെന്നും വാളാരംക്കുന്ന് ക്വാറി ആക്ഷന് കമ്മിറ്റി ആവശ്യപ്പെട്ടു.
പത്രസമ്മേളനത്തില് കൃഷ്ണന്കുട്ടി, എന്.കെ.രാജന്, കരിയന്, കളപ്പുരയ്ക്കല് ജോസ്, ഇ.കെ.രാധാകൃഷ്ണന്, അണ്ണന്.കെ., രാജന്.പി.കെ. എന്നിവര് പങ്കെടുത്തു.
