കാഞ്ഞാര്: കാഞ്ഞാര് കയ്പ കവലക്കു സമീപം പാറമട ആരംഭിക്കുവാനുള്ള സ്വകാര്യ വ്യക്തിയുടെ നീക്കത്തിനെതിരെ പ്രതിഷേധം ശക്തമാകുന്നു.സര്ക്കാര് ഭൂമിയില് നില്ക്കുന്ന കൂറ്റന് പാറക്കെട്ടാണ് പൊട്ടിച്ച് കരിങ്കല്ല് ബിസിനസ്സ് ചെയ്യുവാന് സ്വകാര്യ വ്യക്തി ശ്രമിക്കുന്നത്.ഇതിന് ഭരണകക്ഷിയുടെയും ഉദ്യോഗസ്ഥരുടേയും ഒത്താശ ഉണ്ടെന്ന് നാട്ടുകാര് സംശയിക്കുന്നു. ഇന്നലെ രാവിലെ നടന്ന പ്രതിശേധത്തില് നിരവധിപ്പോരാണ് പാറമടക്കെതിരെ രംഗത്ത് വന്നത്. വ്യാജരേഖ ചമച്ചാണ് പാറ പൊട്ടിക്കുവാനുള്ള നീക്കം നടത്തുന്നത് എന്നാണ് പാറമടവിരുദ്ധ സമിതി ആരോപിക്കുന്നത്. ജനവാസ മേഖലയായ കയ്പയില് പാറമട അനുവദിക്കില്ലായെന്ന ഉറച്ച നിലപാടിലാണ് പാറമടവിരുദ്ധ സമിതി. സര്ക്കാര് ഭൂമിയില് നിന്നും പാറപൊട്ടിക്കുവാനുള്ള നീക്കം അധികൃതരുടെ ഒത്താശയിലൂടെ മാത്രമേ നടക്കൂവെന്നാണ് നാട്ടുകാര് പറയുന്നത്. പാറമടക്കെതിരെ ജനങ്ങള് രംഗത്തെത്തിയത് ചെറിയ തോതില് സംഘര്ഷാവസ്ഥ ഉണ്ടാക്കി.കാഞ്ഞാര് പോലീസ് സ്ഥലത്തെത്തിയിരുന്നു.മൂന്നു വര്ഷം മുമ്പ് ഇവിടെ പാറമട തുടങ്ങുവാനുള്ള ശ്രമത്തെ നാട്ടുകാര് ചെറുത്ത് തോല്പ്പിച്ചതാണ്. വീണ്ടും സര്വ സന്നാഹവുമായി പാറമടലോബി രംഗത്ത് വന്നത് നാട്ടുകാരെ ഏറെ രോഷാകുലരാക്കി.അധികൃതരുടെ ഒത്താശയോടെ പാറമടലോബി നടത്തുന്ന നീക്കങ്ങളെ ചെറുത്തു തോല്പ്പിക്കുവാനുള്ള ഉറച്ച നിലപാടിലാണ് പാറമടവിരുദ്ധ സമിതി.എന്നാല് നിയമ പ്രകാരം കളക്ടറുടെ അനുമതിയോടെയാണ് പാറമടയ്ക്കുള്ള അനുമതി നല്കിയത് എന്നാണ് വെള്ളിയാമറ്റം വില്ലേജ് അധികൃതര് പറയുന്നത്.
സര്ക്കാര് ഭൂമിയില് പാറപൊട്ടിക്കാന് നീക്കം കയ്പയില് കയ്പ് നീര്കുടിച്ച് നാട്ടുകാര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.