മൂന്നാര്: മൂന്നാറിലെ വിവാദ പോലീസുകാരനെതിരെ രഹസ്യാന്വേഷണ വിഭാഗം അധികാര ദുര്വിനിയോഗത്തിന് റിപ്പോര്ട്ട് നല്കിയിട്ടും ഈ ഉദ്യോഗസ്ഥനെതിരെ നടപടിയെടുക്കുവാന് ജില്ല പോലീസ് ചീഫിന് ധൈര്യമില്ല. കഴിഞ്ഞയാഴ്ച മൂന്നാറിലെ പാചക വാതക വിതരണ കേന്ദ്രത്തിലെത്തി ചട്ടങ്ങള് കാറ്റില് പറത്തി ഗ്യാസ് സിലിണ്ടര് വേണമെന്ന് ഈ ഉദ്യോഗസ്ഥന് ആവശ്യപ്പെട്ടു. ബുക്ക് ചെയ്ത ക്രമത്തില് മാത്രമേ സിലിണ്ടര് നല്കൂ എന്ന് ജീവനക്കാര് പറഞ്ഞു. ഇതില് കുപിതമായ ഉദ്യോഗസ്ഥന് സിലിണ്ടറുകളുമായി വിതരണത്തിന് പോയ വാഹനം മണിക്കൂറുകളോളം തടഞ്ഞ് വച്ചു. സംഭവം വിവാദമായതോടെ നൂറ് രൂപ പെറ്റിയടിച്ച് വാഹനം വിട്ട് നല്കുകയും ചെയ്തു. ഈ സംഭവത്തില് പോലീസ് സേനയ്ക്ക് മാനക്കേടാണ് ഈ പോലീസുകാരന് ഉണ്ടാക്കിയത്. ഇത് രഹസ്യാന്വേഷണ വിഭാഹം നല്കിയ റിപ്പോര്ട്ടിലുണ്ടായിരുന്നു. എന്നിട്ടും നടപടിയുണ്ടായില്ല. ഉദ്യോഗസ്ഥനെ വിളിച്ചുവരുത്തി താക്കീത് ചെയ്ത് പ്രശ്നം തീര്ക്കാനാണ് ഉന്നതര് ശ്രമിക്കുന്നത്. ഉന്നത രാഷ്ട്രീയക്കാരുമായി അടുപ്പമുള്ള ഈ പോലീസുകാരനെ ഇലക്ഷന് കാലത്ത് എങ്ങനെ മാറ്റുമെന്നാണ് ഉന്നത ഉദ്യോഗസ്ഥന് ജന്മഭൂമിയോട് ചോദിച്ചത്. ഒരേ സര്ക്കിള് പരിധിയില് ഒമ്പത് വര്ഷമായി ഈ ഉദ്യേഗസ്ഥന് പ്രവര്ത്തിക്കുന്ന വിവരം ഡിജിപിയെ അറിയിച്ചാന് നടപടിയുണ്ടാകും. ഇതിന് മേലുദ്യോസ്ഥര് തയ്യാറാകുന്നില്ല.
മൂന്നാറിലെ വിവാദ പോലീസുകാരന് മുന്നില് നിയമം മുട്ടുമടക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.