കണ്ണൂര് : മനുഷ്യാവകാശ സംരക്ഷണത്തിനായി പ്രവര്ത്തിക്കുന്ന സ്വകാര്യ സംഘടനയുടെ ബാങ്ക് അക്കൗണ്ടില് മൂന്നര കോടി രൂപയുടെ ഇടപാടുകള് നടന്ന സം�വത്തെ കുറിച്ച് അനേ്വഷിക്കാന് സംസ്ഥാന മനുഷ്യാവകാശ കമ്മീഷന് ഡി.ജി.പിക്ക് നിര്ദ്ദേശം നല്കി.
കാഞ്ഞങ്ങാട് ഡി.വൈ.എസ്.പി 2015 നവംബര് 30 ന് കമ്മീഷനില് സമര്പ്പിച്ച വിശദീകരണത്തില് പോലീസില് നിന്നും വിരമിച്ച എസ്പി മാര്ക്കും ഡിവൈഎസ്പി മാര്ക്കും വ്യാജ സംഘടനയുമായി ബന്ധമുണ്ടെന്ന് പറയുന്നു. സംഘടനയുടെ പ്രവര്ത്തനത്തെ കുറിച്ച് അനേ്വഷണം വേണമെന്നും ഡിവൈഎസ്പി ആവശ്യപ്പെട്ടു.
മലബാര് കേന്ദ്രീകരിച്ച് പ്രവര്ത്തിക്കുന്ന ഹ്യൂമണ് റൈറ്റ്സ് പ്രൊട്ടക്ഷന് മിഷന് എന്ന സംഘടനയുടെ 2013 മുതലുള്ള പ്രവര്ത്തനങ്ങളെ കുറിച്ച് അനേ്വഷിക്കാനാണ് കമ്മീഷന് അംഗം കെ. മോഹന്കുമാര് ഉത്തരവ് നല്കിയിരിക്കുന്നത്.
സംഘടനയുടെ പേരില് സൗത്ത് ഇന്ത്യന് ബാങ്കില് മൂന്നു കോടിയുടെ ഇടപാടുകള് നടന്നതായി കമ്മീഷന് കണ്ടെത്തി. 50 ലക്ഷത്തിന്റെ നിക്ഷേപം വേറെയുമുണ്ട്. പേരു വെളിപ്പെടുത്താത്ത സ്ഥലങ്ങളില് നിന്നും വേറെയും നിക്ഷേപങ്ങള് വരുന്നുണ്ട്.
വി.പി. പ്രകാശാണ് സംഘടനയുടെ ദേശീയ അധ്യക്ഷനെന്ന് കമ്മീഷന്റെ അനേ്വഷണവിഭാഗം കണ്ടെത്തിയിരുന്നു. സൗത്ത് ഇന്ത്യന് ബാങ്കിലുള്ള സംഘടനയുടെ അക്കൗണ്ടിലെ ഇടപാടുകളെ കുറിച്ച് വിശദമായി അനേ്വഷിക്കണമെന്നും കെ.മോഹന്കുമാര് നിര്ദ്ദേശിച്ചു. പത്രവാര്ത്തയുടെ അടിസ്ഥാനത്തില് കമ്മീഷന് സ്വമേധയാ രജിസ്റ്റര് ചെയ്ത കേസിലാണ് നടപടി.
