ചെറുതോണി: ഇടുക്കി – ഉടുമ്പന്നൂര്‍ റോഡ് നിര്‍മ്മാണം സംബന്ധിച്ച് ഇടുക്കി എം.പിയും ഇടുക്കി എം.എല്‍.എയും തമ്മില്‍ കൊമ്പുകോര്‍ക്കുന്നു. എംഎല്‍എ ഫണ്ടില്‍ നിന്നും ഒരു കോടി രൂപ അനുവദിക്കുകയും വനം വകുപ്പ് തുക ഉപയോഗിച്ച് നിര്‍മ്മാണം നടത്തുന്നതിന് 2016 ജനുവരി മാസം 3-ാം തീയതി 98/2016 വനം വന്യജീവി വകുപ്പ് ഉത്തരവു പ്രകാരം ഭരണാനുമതി നല്കിയിട്ടുള്ളതുമാണെന്നാണ് റോഷി അഗസ്റ്റിന്‍ പറയുന്നത്. എന്നാല്‍ റോഡ് നിര്‍മ്മാണത്തിന് അനുമതി നല്കിയിട്ടില്ലായെന്ന ജോയിസ് ജോര്‍ജ്ജ് എം.പി.യുടെ പ്രസ്താവന.
2014 ലാണ് റോഡ് നവീകരണത്തിനായി എംഎല്‍എ ഒരുകോടി രൂപ അനുവദിച്ചത്. എന്നാല്‍ 1980 ലെ വനം സംരക്ഷണ നിയമപ്രകാരം വനത്തിലുള്ളിലൂടെയുള്ള ഭാഗം നിര്‍മ്മിക്കുന്നതിന് സാങ്കേതിക തടസ്സം ഉണ്ടായി. പി.എം.ജി.എസ്.വൈ പോലുള്ള കേന്ദ്രാവിഷ്‌കൃത ഫണ്ടുകള്‍ വിനിയോഗിക്കാവുന്നതാണെന്ന് വനം വകുപ്പ് പ്രിന്‍സിപ്പല്‍ സെക്രട്ടറിയെ അറിയിക്കുകയും ചെയ്തു. നിരവധി ആദിവാസികള്‍ക്കും കര്‍ഷകര്‍ക്കും ഒറ്റപ്പെട്ട മേഖലയില്‍ താമസിക്കുന്നവര്‍ക്കും ഏക ആശ്രയമായ ഈ റോഡ് പൂര്‍ത്തിയാക്കുന്നതിന് ഫണ്ട് വിനിയോഗിക്കാന്‍ അനുമതി നല്കണമെന്ന് എംഎല്‍എ നിയമസഭയില്‍ ആവശ്യപ്പെടുകയും നിര്‍മ്മാണത്തിതനാവശ്യമായ തുടര്‍നടപടിി
സ്വീകരിക്കുമെന്ന് വനം വകുപ്പു മന്ത്രി തിരുവഞ്ചൂര്‍ രാധാകൃഷ്ണന്‍ നിയമസഭയില്‍ ഉറപ്പു നല്കുകയും ചെയ്തു. ജില്ലയിലെ ഭൂപ്രശ്‌നങ്ങളുമായി ബന്ധപ്പെട്ട് വനം വകുപ്പ് തിരുവനന്തപുരത്ത് വിളിച്ചു ചേര്‍ത്ത ഉന്നതതല യോഗത്തില്‍ ജോയിസ് ജോര്‍ജ്ജ് എം.പിയും എംഎല്‍എ മാരും പങ്കെടുക്കുകയും ഇടുക്കി – ഉടുമ്പന്നൂര്‍ റോഡ് നിര്‍മ്മാണത്തിന് അനുമതി ലഭ്യമാക്കണമെന്ന് ജനപ്രതിനിധികള്‍ ആവശ്യപ്പെടുകയും ചെയ്തു. യോഗത്തില്‍ അനുമതി നല്കുമെന്ന് മന്ത്രി ഉറപ്പ് നല്കി. അടുത്ത ദിവസം തന്നെ എം.പി. ഇടപെട്ടാണ് റോഡ് സാധ്യമാക്കിയതെന്ന് കാണിച്ച് വാഴത്തോപ്പ് പഞ്ചായത്തിന്റെ വിവിധ ഭാഗങ്ങളില്‍ എം.പി.യുടെ ഫോട്ടോ വെച്ച് ഫ്‌ളെക്‌സ് ബോര്‍ഡുകള്‍ പ്രദര്‍ശിപ്പിക്കുകയും ചെയ്തു. എന്നാല്‍ തുടര്‍നടപടികള്‍ വൈകിയതിനെത്തുടര്‍ന്നും കേന്ദ്രഫണ്ടുകള്‍ ഒന്നും വകയിരുത്താത്ത സാഹചര്യ്ം ഉണ്ടായി. ഇത് മനസിലാക്കിയ റോഷി അഗസ്റ്റിന്‍ എം.എല്‍.എ ഒരു കോടി രൂപ വനം വികസന ഏജന്‍സിക്ക് കൈമാറുന്നതിനും വനം വകുപ്പ് മുഖേന റോഡ് നിര്‍മ്മാണം നടപ്പിലാക്കുന്നതിനും ഉത്തരവ് സമ്പാദിച്ചു. ഉത്തരവിി
ല്‍ പരിസ്ഥിതി മന്ത്രാലയത്തിന്റെ അനുമതിക്ക് വിധേയമായി എന്ന് ചേര്‍ത്തിട്ടുണ്ട്. ഇതിനാല്‍ റോഡ് നിര്‍മ്മിക്കുന്നതിന് കേന്ദ്ര പരിസ്ഥിതി മന്ത്രാലയത്തിന്റെ അനുമതി വേണം. ഈ വിവരം എംപിയും എംഎല്‍എയും മറച്ച് വച്ച് ജനങ്ങളെ പറ്റിക്കുകയാണ്. ഇലക്ഷന്‍ വോട്ടുകിട്ടാനുള്ള തട്ടിപ്പായിട്ടാണ് റോഡ് നിര്‍മ്മാണം ഇവര്‍ ഉയര്‍ത്തിക്കാട്ടുന്നത്.
