കോട്ടയം: നഗരസഭ ഇരുപത്തിനാലാം വാര്ഡില് ഉള്പ്പെടുന്ന എരുത്തിക്കല് പ്രദേശത്ത് കുടിവെള്ള വിതരണം നിലച്ചിട്ട് ഒരാഴ്ച പിന്നിടുന്നു. കുരിശുപള്ളി-തിരുവാതുക്കല് റോഡില് എരുത്തിക്കല് ജോസ്കോ ജംഗ്ഷനില് ഒരുമാസം മുമ്പ് പൊട്ടിയ ജലവിതരണ കുഴലിന്റെ തകരാര് പരിഹരിക്കാന് അധികൃതര്ക്ക് കഴിയാതെ വന്നതാണ് ജലവിതരണം നിലയ്ക്കാന് ഇടയാക്കിയത്. എരുത്തിക്കല് കുന്നുംപുറം, ഭീമന്പടി, ക്ഷേത്രം, അക്ഷയ സെന്റര് തുടങ്ങിയ പ്രദേശങ്ങളിലാണ് കുടിവെള്ളമില്ലാതെ ജനം നട്ടംതിരിയുന്നത്. പുലര്ച്ചെ 2 മുതല് 4വരെ മാത്രമാണ് ചിലയിടങ്ങളില് വെള്ളം ലഭിക്കുകക. കഴിഞ്ഞ ഒരുമാസമായി ഇതും ലഭ്യമല്ലാതായിട്ടുണ്ട്. വേനല്ചൂട് ഏറിയതോടെ കുടിവെള്ളത്തിനായി ജനം നെട്ടോട്ടത്തിലാണ്. തൊഴിലാളികളുടെ കുറവുമൂലമാണ് യഥാസമയം തകരാര് പരിഹരിക്കാന് കഴിയാതെ വന്നതെന്നും തകരാര് പരിഹരിച്ച് ജലവിതരണം ഇന്നുമുതല് പുനരാരംഭിക്കുമെന്നും ജലവിതരണവകുപ്പ് അസി. എന്ജിനീയര് എഡിസണ് തോമസ് അറിയിച്ചു. ബ്ലു ബ്രിഗേഡ് സംവിധാനത്തിന്റെ ഭാഗമായ ദിവസവേതന തൊഴിലാളികളാണ് നഗരസഭാ അതിര്ത്തിയിലെ അറ്റകുറ്റപ്പണികള് പരിഹരിക്കുന്നത്. കഴിഞ്ഞ ദിവസങ്ങളില് പേരൂര് പമ്പുഹൗസില്നിന്നുള്ള പ്രധാന കുഴല് തുടര്ച്ചയായി പൊട്ടിയതുമൂലം ഇതിന്റെ പണിയിലായിരുന്നു തൊഴിലാളികളെന്നും അദ്ദേഹം പറഞ്ഞു.
എരുത്തിക്കലില് കുടിവെള്ളം നിലച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.