പൊഴുതന : കേരളത്തിനകത്തും പുറത്തും വിദേശരാജ്യങ്ങളിലും, നിരവധി ദൃശ്യമാധ്യമങ്ങളിലും തിളങ്ങി നില്ക്കുന്ന അദ്ഭുത ബാലന് ഷാഹിദ് സഫര് മഞ്ചേരി മാര്ച്ച് നാലിന് രണ്ടാം സെമിഫൈനല് മത്സരത്തിനിടെ പെരിങ്കോട ഫുട്ബോള് മൈതാനത്ത്. ജീവകാരുണ്യപ്രവര്ത്തനത്തിന്റെ ഭാഗമായി വര്ഷംതോറും പിഎല്സി പെരിങ്കോട നടത്തുന്ന ഫ്ളെഡിലിറ്റ് ഫുട്ബോള് ടൂര്ണമെന്റിന്റെ ഭാഗമായാണ് ഷാഹിദ് പെരിങ്കോടയിലെത്തുന്നത്. കാലുകളില് കാല്പന്തിന്റെ കവിതയും ചിത്രമെഴുത്തുമായി കാണികളുടെ മനസ്സില് ഹരവും ആവേശവും അത്യത്ഭുതവും പകര്ന്നുനല്കി കളിയിലെ ഇന്ദ്രജാലം തീര്ക്കുന്ന ഷാഹിദ് മലപ്പുറം മഞ്ചേരി സ്വദേശിയാണ്. ഷാഹിദിന് ഇന്ത്യന് ഫുട്ബോള് അസോസിയേഷന്, കേരള ഫുട്ബോള് അസോസിയേഷന് എന്നിവരില്നിന്നും അംഗീകര പത്രവും പ്രശംസാപത്രവും ലഭിച്ചിട്ടുണ്ട്. മാര്ച്ച് നാലിന് നടക്കുന്ന രണ്ടാം സെമിഫൈനല് മത്സരത്തില് പിഎ ല്സിപെരിങ്കോട(ഊര്ക്കടവ്), യുഎഫ്സി വല്ലപ്പുഴയെ നേരിടും. രാത്രി 8 മണിക്കാണ് മത്സരം ആരംഭിക്കുക. ജീവകാരുണ്യപ്രവര്ത്തനങ്ങള് കൊണ്ട് ഏറെശ്രദ്ധ പിടിച്ചുപറ്റിയ ടൂര്ണമെന്റിലെ ഒന്നാം സ്ഥാനക്കാര്ക്ക് ഒരുലക്ഷംരൂപയും എവറോളിംഗ് ട്രോഫിയും, രണ്ടാം സ്ഥാനക്കാര്ക്ക് 50000രൂപയും എവറോളിംങ് ട്രോഫിയും മൂന്നാം സ്ഥാനക്കാര്ക്ക് 25000രൂപയും എവറോളിങ് ട്രോഫിയുമാണ് നല്കുക. ടൂര്ണമെന്റില്നിന്ന് ലഭിക്കുന്ന ലാഭം ജീവകാരുണ്യ പ്രവര്ത്തനങ്ങളാണ് വനിയോഗിക്കുക.
