കരിമണ്ണൂര്: ആനയെ ക്രൂരമായി ഉപദ്രവിച്ച പാപ്പാന്മാര് പിടിയില്. ഏഴുമുട്ടം ചാലാശ്ശേരി പള്ളിക്ക് സമീപം സ്വകാര്യ വ്യക്തിയുടെ പറമ്പില് തടിപിടിക്കുവാന് കൊണ്ടുവന്ന ആനയെയാണ് പാപ്പാന്മാര് ഉപദ്രവിച്ചത്. പാപ്പാന്മാരായ കോടിക്കുളം ഇടപ്പാട്ട് ശ്രീകുമാര്, മുട്ടം കയ്യാനിക്കല് പിതാംബരന് എന്നിവരെയാണ് പോലീസ് പിടികൂടിയത്. കരിങ്കുന്നം സ്വദേശി തൂഫാന് തോമസിന്റെ ഉടമസ്ഥതയിലുള്ള ആനയെയാണ് പാപ്പാന്മാര് ഉപദ്രവിച്ചത്. ഇത് കണ്ട് നാട്ടുകാര് ചോദ്യം ചെയ്തപ്പോള്, അവരുമായി പാപ്പാന്മാര് വാക്കുതര്ക്കമുണ്ടായി. നാട്ടുകാര് അറിയിച്ചതിനെ തുടര്ന്ന് കരിമണ്ണൂര് പോലീസ് എത്തി പാപ്പാന്മാരെ പിടികൂടി. ഇവര് മദ്യപിച്ചിരുന്നതായി പോലീസ് പറഞ്ഞു. വന്യജീവി സംരക്ഷണ നിയമപ്രകാരം പാപ്പാന്മാര്ക്കെതിരെ കേസെടുത്തതായും സോഷ്യന് ഫോറസ്റ്റ്റിയ്ക്ക് റിപ്പോര്ട്ട് കൈമാറുമെന്നും കരിമണ്ണൂര് പോലീസ് പറഞ്ഞു. ആനയെ ഉടമസ്ഥനെത്തി സുരക്ഷിത സ്ഥാനത്തേക്ക് മാറ്റി.
ആനയെ ക്രൂരമായി ഉപദ്രവിച്ച പാപ്പാന്മാര് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.