തൊടുപുഴ: വൃദ്ധയുടെ തലയ്ക്കടിയേറ്റ സംഭവത്തില് പോലീസ് അന്വേഷണം വഴിമുട്ടി. സംഭവമുയി ബന്ധപ്പെട്ട് മകനെ കൊന്ന ശേഷം ജീവനൊടുക്കാന് ശ്രമിച്ച കേസില് പ്രതിയായി റിമാന്റില് കഴിയുന്ന ജയ്സമ്മ മാലയെടുത്തിട്ടില്ലയെന്ന് പോലീസ് സ്ഥിരീകരിച്ചു. പ്രതിയെ ഇന്നു വീണ്ടും ജുഡിഷ്യല് കസ്റ്റഡിയില് വിടും. ഇതോടെ പോലീസ് ഈ കേസില് വിഷമവൃത്തത്തിലായി. ഫെബ്രുവരി ആറിന് ഉച്ചക്കാണ് ഇലപ്പള്ളി മുരിക്കനാനിക്കല് അന്നമ്മ (96) വീട്ടുമുറ്റത്ത് ആക്രമിക്കപ്പെട്ടതായി ബന്ധുക്കള് പോലീസിനു പരാതി നല്കിയത്. അന്നമ്മയെ കരച്ചില് കേട്ടെത്തിയ അയല്വാസികളാണ് ആശുപത്രിയിലെത്തിച്ചത്. ഐസിയുവില് പ്രവേശിപ്പിക്കുന്നതിനായി ശരീരത്തുണ്ടായിരുന്ന ആഭരണങ്ങള് അഴിച്ചുമാറ്റുന്നതിനിടെയാണ് വൃദ്ധയുടെ മാല മോഷണം പോയ വിവരം ബന്ധുക്കളുടെ ശ്രദ്ധയില്പ്പെടുന്നത്. അബോധാവസ്ഥയില് കഴിയുന്ന വൃദ്ധയുടെ മൊഴി രേഖപെടുത്താന് പോലീസിനു ഇതുവരെ കഴിഞ്ഞിട്ടില്ല. തൊടുപുഴ ഡിവൈഎസ്പിയുടെ കീഴിലുള്ള പോലീസ് വിവിധ സംഘങ്ങളായി കഴിഞ്ഞ 20 ദിവസമായി നടത്തുന്ന അന്വേഷണത്തില് കാര്യമായ യാതൊരു പുരോഗതിയും ഉണ്ടായിട്ടില്ല. തുടര്ന്നാണ് ദാരുണമായ സംഭവങ്ങള് ഇവിടെ നടന്നത്. ഈ കേസുമായി ബന്ധപെട്ട് പോലീസിനു വീഴ്ച പറ്റിയാതായി നാട്ടുകാര് അക്ഷേപമുന്നയിച്ചിരുന്നു. ജനരോക്ഷം ഭയന്ന് പോലീസ് കേസ് അന്വേഷണം മനപൂര്വ്വം വൈകിപ്പിക്കാന് ശ്രമിക്കുന്നതായും ആരോപണമുയരുന്നുണ്ട്.
വൃദ്ധയുടെ തലയ്ക്കടിയേറ്റ സംഭവം; ജയ്സമ്മ പ്രതിയല്ലെന്ന് നിഗമനം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.