വ്യാജരേഖ ചമച്ച് സ്ഥലം തട്ടിയെടുത്തായി പരാധി

കട്ടപ്പന: പണം പലിശക്കെടുത്തയാളുടെ സ്ഥലം വ്യാജരേഖ ചമച്ച് ഫൈനാന്‍സ് സ്ഥാപനം തട്ടിയെടുത്തായി പരാധി. അണക്കര മൂലോമറ്റം ജയ്‌സണ്‍ ജില്ല പൊലീസ് മേധാവിക്ക് നല്‍കിയ പരാതിയെ തുടര്‍ന്ന് സ്വകാര്യ പണമിടപാട സ്ഥാപനമായ വടക്കേമുറിയില്‍ ഫൈനാന്‍സില്‍ വണ്ടന്‍മേട് പോലീസ് പരിശോധന നടത്തി. പരിശോധനയില്‍ 64 ചെക്ക് ലീഫുകളും രണ്ട് ലക്ഷം രൂപയും നിരവധി ആധാരങ്ങളും പിടിച്ചെടുത്തു. ജയ്‌സണ്‍ സ്ഥാപനത്തില്‍ നിന്നും രണ്ട് ലക്ഷം രൂപ 2013ല്‍ വായ്‌പയെടുത്തിരുന്നു. എന്നാല്‍ 2,15000 രൂപ തിരിച്ചടച്ചു. ഇനിയും 1,10000 അടയ്‌ക്കണമെന്ന് കാണിച്ച് ജയ്‌സന്റെ വീട് നിര്‍മ്മാണം പുരോഗമിക്കുന്ന 12 സെന്റ് ഭൂമി സ്ഥാപനം വ്യാജരേഖ ചമച്ച് പിടിച്ചെടുത്തിരുന്നു. സംഭവത്തില്‍ ബാങ്ക് മാനേജര്‍ അണക്കര പുത്തന്‍പുരയ്‌ക്കല്‍ സജിയെ പൊലീസ് അറസ്റ്റ് ചെയ്തു. ഉടമയ്‌ക്കെതിരെയും കേസെടുത്തിട്ടുണ്ട്. സ്ഥാപനവുമായി ബന്ധപ്പെട്ട നടന്ന അനധികൃത പണമിടപാടിനെ പറ്റിയും പോലീസ് അന്വേഷണം ആരംഭിച്ചിട്ടുണ്ട്.