ഇരിട്ടി: മുഴക്കുന്ന് പഞ്ചായത്തില് നടന്ന വിവിധ അക്രമസംഭവങ്ങളില് നടപടിയെടുക്കാത്ത പോലീസിന്റെ അലംഭാവത്തില് പ്രതിഷേധിച്ച് പോലീസ് സ്റ്റേഷന് മാര്ച്ച് അടക്കമുള്ള പ്രക്ഷോഭ പരിപാടികള് സംഘടിപ്പിക്കുമെന്നു ബിജെപി മുഴക്കുന്ന് പഞ്ചായത്ത് ഭാരവാഹികള് പത്രസമ്മേളനത്തില് അറിയിച്ചു.
മുഴക്കുന്ന് പഞ്ചായത്തിലെ ഉളീപ്പടിയില് മൗവഞ്ചേരി മോഹനന്റെ വീടിനു നേരെയുണ്ടായ ബോംബാക്രമണം കഴിഞ്ഞിട്ട് ഒരുമാസമായിട്ടും ഇതുവരെ ഇതില് ഉള്പ്പട്ടവര് ആരാണെന്ന് കണ്ടെത്താന് പോലീസിനായിട്ടില്ല. കഴിഞ്ഞ ജനുവരി പത്തിന് രാത്രിയില് നടന്ന അക്രമം, സംഘപരിവാറിന്റെ തലയില് കെട്ടിവെച്ചു പിറ്റേദിവസം രാവിലെ 8 മണിക്ക് മുന്പേ സിപിഎമ്മിന്റെ നേതൃത്വത്തില് ഇവിടെ പ്രതിഷേധ പ്രകടനവും നടത്തിയിരുന്നു. സംഘപരിവാറിനെ പ്രതിയാക്കിക്കൊണ്ട് തെറിവിളിച്ച് നടത്തിയ പ്രകടനവും അതിനു പിന്നാലെ നടത്തിയ ഹര്ത്താലും ദുരൂഹത സൃഷ്ടിക്കുന്നു. ഇത്തരം സംഭവങ്ങളില് പ്രതികളെ പിടികൂടേണ്ടത് പോലീസ് ആണെന്നിരിക്കെ പ്രതികളെ മുന്കൂട്ടി പ്രഖ്യാപിച്ച് സിപിഎം നടത്തുന്ന ഇത്തരം പ്രവര്ത്തികള് യഥാര്ത്ഥ കുറ്റവാളികളെ രക്ഷിക്കാനും സംഭവത്തിനു പിന്നില് അവര്ക്കുള്ള പങ്കും വ്യക്തമാക്കുന്നു. സ്പോടനം നടന്ന വീടിന്റെ ഉടമയും പോലീസും ദൃശ്യ മാദ്ധ്യമ പ്രവര്ത്തകരും ഈ സംഭവത്തിനു പിന്നില് സംഘപരിവാറാണെന്ന് കുറ്റപ്പെടുത്തിയിട്ടുമില്ല.
ഈ സംഭവത്തിനു ശേഷം കഴിഞ്ഞ ജനുവരി പതിനാലിന് വെള്ളംപാറയില് സംഘപരിവാറിന്റെ കൊടികള് നശിപ്പിക്കുകയും ഈ സ്ഥാനത്തു ലീഗിന്റെ കൊടി കെട്ടുകയും ചെയ്തു. കടുത്ത രാഷ്ട്രീയ സ്പര്ദ്ദ സൃഷ്ടിക്കുവാന് കരുതിക്കൂട്ടി നടത്തിയ സാമൂഹ്യവിരുദ്ധ പ്രവര്ത്തനമായേ ഇത് കാണാനാവൂ. ഈ സംഭവത്തിലും പോലീസില് പരാതി നല്കിയെങ്കിലും യാതൊരു നടപടിയും ഉണ്ടായില്ല. കടുക്കാപ്പാലത്ത് ആര് എസ് എസ് മണ്ഡല് കാര്യവാഹക് പാലക്ക സുജേഷിന്റെയും കായപ്പനച്ചിയില് ഗിരീഷിന്റെ വീടിന് നേരെയും ബോബാക്രമണം നടന്നു. കടുക്കാ പ്പാലത്ത് ദിനേശനെ വധിക്കാനുള്ള ശ്രമവും ഉണ്ടായി. ഈ പ്രശ്നങ്ങളിലൊന്നും ഒരാളെപ്പോലും പിടികൂടി നടപടിയെടുക്കാത്ത പോലീസിന്റെ നടപടിയില് പ്രതിഷേധിച്ച് പോലീസ് സ്റ്റേഷന് മാര്ച്ച് അടക്കമുള്ള സമരപരിപാടികള്ക്ക് രൂപം നല്കുമെന്ന് ബിജെപി നേതാക്കള് പറഞ്ഞു. പത്രസമ്മേളനത്തില് ബിജെപി മുഴക്കുന്ന് പഞ്ചായത്ത് പ്രസിഡന്റ് വി.മുരളീധരന്, എന്.വി.ഗിരീഷ്, പാലക്ക സുജേഷ് എന്നിവര് പങ്കെടുത്തു.
