തൊടുപുഴ: ബിജെപി സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന യാത്രയ്ക്ക് തൊടുപുഴയില് രാജകീയ സ്വീകരണം. യാത്ര ഹൈറേഞ്ച് പിന്നിട്ട് ഇന്നലെ വൈകുന്നേരത്തോടെയാണ് ലോറേഞ്ചിലേക്ക് പ്രവേശിച്ചത്. വിഴിയോരങ്ങളില് നൂറ് കണക്കിനാളുകളാണ് വിമോചനയാത്ര നായകനെ കാണുന്നതിനായി മണിക്കൂറുകള് കാത്തുനിന്നത്. തൊടുപുഴ മണ്ഡലത്തിന്റെ അതിര്ത്ഥിയായ മുട്ടം ശങ്കരപ്പിള്ളിയില് ആയിരത്തി അഞ്ഞൂറിലധികം വരുന്ന ഇരുചക്രവാഹനങ്ങളാണ് കുമ്മനത്തെ സ്വീകരിക്കുന്നതിനായി എത്തിയത്. ഇരുചക്രവാഹനങ്ങളുടെ അകമ്പടിയോടെയാണ് ജില്ലയിലെ അവസാന സമ്മേളന നഗരിയായ തൊടുപുഴയിലേക്ക് കുമ്മനത്തെ ആനയിച്ചത്. തൊടുപുഴ നഗരസഭാ ബസ് സ്റ്റാന്റില് ഇരുചക്ര റാലി അവസാനിച്ച ശേഷം നഗരം ചുറ്റി തുറന്ന വാഹനത്തിലാണ് നായകന് സമ്മേളന നഗരിയായ കാഞ്ഞിരമറ്റം ബൈപ്പാസ് റോഡിലുള്ള മാരാര്ജി നഗറിലേക്ക് എത്തിയത്. നൂറ് കണക്കിന് പ്രവര്ത്തകരാണ് റാലിയില് അണിനിരന്നത്. തുടര്ന്ന് നടന്ന സമ്മേളനം ബിജെപി മുന് അഖിലേന്ത്യ സെക്രട്ടറിയും ദേശീയ നിര്വ്വാഹക സമിതി അംഗവുമായ പി.കെ. കൃഷ്ണദാസ് ഉദ്ഘാടനം ചെയ്തു. ജില്ലാ ജനറല് സെക്രട്ടറി കെ.എസ്. അജിയുടെ അദ്ധ്യക്ഷത വഹിച്ച പൊതുയോഗത്തില് ജാഥാ ക്യാപ്ടന് കുമ്മനം രാജശേഖരന് പുറമെ ബിജെപി സംസ്ഥാന ജനറല് സെക്രട്ടറിമാരായ കെ സുരേന്ദ്രന്, എംടി രമേശ്, എ എന് രാധാകൃഷ്ണന്, ശോഭാ സുരേന്ദ്രന് , സംസ്ഥാന ഉപാദ്ധ്യക്ഷന്മാരായ പി എം വേലായുധന്, കെ പി ശ്രീശന്, ജില്ലാ പ്രസിഡന്റ് ബിനു ജെ കൈമള് തുടങ്ങിയവര് സംസാരിച്ചു.
