വെള്ളൂര്: ശ്രീവാമനസ്വാമി ക്ഷേത്രത്തിലെ തിരുവുത്സവത്തിന് ഇന്ന് കൊടിയേറും. ക്ഷേത്രം തന്ത്രി മനയാത്താറ്റില്ലത്ത് ദിനേശന് നമ്പൂതിരിയുടെ കാര്മ്മികത്വത്തില് രാത്രി 9നാണ് തൃക്കൊടിയേറ്റ്. ഉത്സവത്തിന് മുന്നോടിയായി കൊടിക്കയര് കുലവാഴപ്പുറപ്പാട് നടക്കും. വെള്ളൂര് ആറാട്ട്മണപ്പുറത്തുനിന്നും തിരുവെള്ളൂരപ്പന്റെ കൊടിക്കയര് 689-ാം മ്പര് എന്എസ്എസ് കരയോഗത്തിന്റെ നേതൃത്വത്തിലും തോന്നല്ലൂര് പുല്ലംപ്ലാവ് ജംഗ്ഷനില് നിന്നും ഭക്തജനസംഘത്തിന്റെ നേതൃത്വത്തില് ശാസ്താവിനുള്ള കൊടിക്കയറും, മേവെള്ളൂര് വല്ലില്ലത്തുകാവ് ദേവീക്ഷേത്രത്തില് നിന്നും തിരുവെള്ളൂരപ്പന്റെ കൊടിക്കൂറയും, 614-ാം കേരളവിശ്വകര്മ്മസഭ വെള്ളൂര് ശാഖയുടെ നേതൃത്വത്തില് തച്ചക്കുഴി ഭാഗത്തുനിന്നും കുലവാഴയും, മൂഴിക്കോട് ഭാഗത്തുനിന്നും കെപിഎംഎസ് 1396-ാം നമ്പര് വെള്ളൂര് ശാഖയുടെ നേതൃത്വത്തില് ശാസ്താവിന്റെ കൊടിക്കൂറയും ഘോഷയാത്രയായി വെള്ളൂര് ജംഗ്ഷനിലെത്തി സംയുക്തമായി ക്ഷേത്രത്തിലെത്തും. താലപ്പൊലി, വാദ്യമേളങ്ങള്, മയിലാട്ടം എന്നിവ ഘോഷയാത്രയ്ക്ക് പകിട്ടേകും. തൃക്കൊടിയേറ്റിന് ശേഷം താന്ത്രിക കുലപതി മനയത്താറ്റില്ലത്ത് ചന്ദ്രശേഖരന് നമ്പൂതിരി കൊടിമരച്ചുവട്ടില് ഭദ്രദീപ്രകാശനം നിര്വ്വഹിക്കും. കലാമണ്ഡപത്തില് കലാമണ്ഡലം പ്രശാന്ത് ദീപ പ്രോജ്ജ്വലനം നടത്തും. രാത്രി 9.30ന് കൊടിയേറ്റ് അത്താഴവും തുടര്ന്ന് അരങ്ങില് ഡബിള് തായമ്പകയും നടക്കും.
വാമനസ്വാമി ക്ഷേത്രത്തില് ഇന്ന് കൊടിയേറ്റ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.