കോട്ടയം: ബിജെപി സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന വിമോചനയാത്രയ്ക്ക് കോട്ടയത്ത് നല്കുന്ന സ്വീകരണത്തിന് മുന്നോടിയായി ഇന്ന് പതാകദിനമാചരിക്കുമെന്ന് ജില്ലാ പ്രസിഡന്റ് എന്.ഹരി പത്രസമ്മേളനത്തിലറിയിച്ചു. ജില്ലയിലെ മുഴുവന് ബൂത്ത്കേന്ദ്രങ്ങളിലും രാവിലെ 8.30ന് പതാക ഉയര്ത്തും. പാര്ട്ടി ദേശീയ പ്രസിഡന്റ് അമിത്ഷാ പങ്കെടുക്കുന്ന സ്വീകരണ സമ്മേളനത്തിലേക്ക് മുഴുവനാളുകളെയും ക്ഷണിച്ചുകൊണ്ടുള്ള ക്ഷണപത്രികയുമായി പ്രവര്ത്തകര് ഭവനസന്ദര്ശനം നടത്തും. ജില്ലയിലെ മുഴുവന് ഭാരവാഹികളും അവരവരുടെ ബൂത്തുകളിലെ ഭവനസന്ദര്ശനത്തിന് നേതൃത്വം നല്കും.
ഫെബ്രുവരി 4ന് ഉച്ചകഴിഞ്ഞ് 3നാണ് നെഹൃസ്റ്റേഡിയത്തില് വിമോചനയാത്രയ്ക്കുള്ള സ്വീകരണസമ്മേളനം നടക്കുന്നത്. ദേശീയ പ്രസിഡന്റ് അമിത്ഷാ സമ്മേളനം ഉദ്ഘാടനം ചെയ്യും. ജില്ലാ പ്രസിഡന്റ് എന്.ഹരി അദ്ധ്യക്ഷത വഹിക്കും. കേന്ദ്രമന്ത്രിമാരടക്കമുള്ള നേതാക്കള് പരിപാടിയില് പങ്കെടുക്കുമെന്ന് ജില്ലാ പ്രസിഡന്റ് പറഞ്ഞു. പത്രസമ്മേളനത്തില് ജനറല് സെക്രട്ടറിമാരായ കെ.പി.സുരേഷ്, ജി.ലിജിന് ലാല്, നിയോജകമണ്ഡലം പ്രസിഡന്റ് സി.എന്.സുഭാഷ് എന്നിവരും പങ്കെടുത്തു.
