കറാച്ചി: രാജ്യത്തെ യുവജനത വഴിതെറ്റുന്നതായി ആരോപിച്ച് 400,000 അശ്ലീല സൈറ്റുകള്ക്ക് പാക്കിസ്ഥാനില് നിരോധനം ഏര്പ്പെടുത്തുന്നു. ടെലികോം റെഗുലേറ്ററി അതോറിട്ടിക്കും പാക് സര്ക്കാര് ഇതുസംബന്ധിച്ച് നിര്ദ്ദേശം നല്കിയിട്ടുണ്ട്.
അശ്ലീല സൈറ്റുകളുടെ പ്രവര്ത്തനം യുവാക്കളില് ആക്രണമനോഭാവം വളര്ത്തിയെടുക്കുനെന്നും അവരെ തെറ്റു ചെയ്യാന് പ്രേരിപ്പിക്കുനെന്നും സുപ്രീംകോടതി അടുത്തിടെ കണ്ടെത്തിയിരുന്നു. ഇതിനെതിരെ നടപടി സ്വീകരിക്കണമെന്ന് 2016 ജനുവരി12 സുപ്രീംകോടതി പാക് സര്ക്കാരിന് നിര്ദ്ദേശം നല്കിയിരുന്നു. ഇതിനെ തുടര്ന്നാണ് അശ്ലീല സൈറ്റുകള് നിരോധിക്കാന് ഉത്തരവിട്ടത്.
നിലവില് 429343 അശ്ലീലസൈറ്റുകളാണ് പാക്കിസ്ഥിനില് പ്രവര്ത്തിക്കുന്നത്. അതേസമയം ഇത്രയും സൈറ്റുകള്ക്ക് ഒരുമിച്ച് നിരോധനം ഏര്പ്പെടുത്തുകയെന്നതും ടെലികോം അതോറിട്ടിക്ക് ഏറെ ശ്രമകരമാണ്. 2011ലും ഇത്തരത്തില് 1000 സൈറ്റുകള്ക്ക് പാക്കിസ്ഥാനില് നിരോധനം ഏര്പ്പെടുത്തിയിരുന്നു.
