മുട്ടം: മുട്ടം-ഈരാറ്റുപേട്ട റോഡില് പഞ്ചായത്ത് പടിക്ക് സമീപം റോഡിന്റെ സംരക്ഷണ ഭിത്തി ഇടിഞ്ഞ് റോഡ് അപകടാവസ്ഥയില്.വാഹനങ്ങള് വശം ചേര്ന്ന് പോകാതിരിക്കുവാന് ടാര് വീപ്പ ഉപയോഗിച്ച് ദുര്ബലമായ സംരക്ഷണമൊരുക്കി അധികൃതര് കണ്ണടച്ചിരിക്കുന്നു. ശബരിമല തീര്ത്ഥാടകരുടെ ഉള്പ്പെടെ നിരവധി വാഹനങ്ങള് സഞ്ചരിക്കുന്ന റോഡിലാണ് അധികൃതരുടെ കൈവിട്ട കളി. തിട്ട ഇടിയാറായി നില്ക്കുന്ന റോഡിന്റെ താഴ് വശത്ത് മൂന്ന് വീടുകളുണ്ട്. ഇവിടെ താമസിക്കുന്ന കുടുബങ്ങള് ഭീതിയിലാണ് ദിവസങ്ങള് തള്ളിനീക്കുന്നത്. മണ്ഡലക്കാലം അവസാനിച്ചുവെങ്കിലും മാസ പൂജയ്ക്കായി നട തുറക്കുമ്പോള് അന്യസംസ്ഥാനത്തു നിന്നുമുള്ള നിരവധി വാഹനങ്ങള് ഈ അപകട മേഖലയിലൂടെ വേണം സഞ്ചരിക്കുവാന്. 200 മീറ്ററോളം ഭാഗം അതീവ അപകടാവസ്ഥയിലാണ്. റോഡിനെക്കുറിച്ച് പരിചയമില്ലാത്ത അന്യസംസ്ഥാന വാഹനങ്ങള് അപകടത്തില് പെടുവാനുള്ള സാധ്യത ഏറെയാണ്. ടാര് വീപ്പകള് റോഡില് നിരത്തി വള്ളി ഉപയോഗിച്ച് വീപ്പകള് തമ്മില് ബന്ധിച്ചാണ് സുരക്ഷ ഒരുക്കിയിട്ടുളളത്.ഭാരവാഹനങ്ങള് സഞ്ചരിക്കുന്ന പാതവക്കിലാണ് ആരേയും അതിശയിപ്പിക്കുന്ന സുരക്ഷ ഒരുക്കി അധികൃതര് ഇളഭ്യരാകുന്നത്.
റോഡിന്റെ തിട്ട ഇടിഞ്ഞു; ടാര് വീപ്പ കൊണ്ട് സംരക്ഷണം ഒരുക്കി അധികൃതര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.